நீங்கள் இறைவனை அடைய விரும்பினால், அன்பை வளர்த்துக் கொள்ளுங்கள். நீங்கள் அன்பைப் பேணி,அனைவரிடமும் அன்பு செலுத்தினால், வெறுப்பு என்பதே உங்களிடம் இருக்காது. இதுவே நான் எப்போதும் அளிக்கும் ஒரு முக்கியமான போதனையாகும். நான் உங்களை, ஜபம் மற்றும் தியானம் செய்கின்ற ஒரு பண்டிதர் அல்லது துறவி அல்லது சன்யாசியாக ஆகச் சொல்லவில்லை. இறைவன், '' உங்களது இதயம் அன்பால் நிரம்பி இருக்கிறதா?'' என்று மட்டும் தான் பார்க்கிறான். அன்பே இறைவன், ஸத்யமே இறைவன், அன்பே ஸத்யம், ஸத்யமே அன்பு. ஏனெனில், நீங்கள் அன்பு செலுத்தினால் தான் அச்சமின்றி இருப்பீர்கள். அச்சம் என்பது பொய்மையின் தாய் போன்றது. நீங்கள் அச்சமின்றி இருந்தால், ஸத்யத்தைக் கடைப் பிடிப்பீர்கள். அன்பெனும் கண்ணாடி உங்களுள் உள்ள தெய்வீக ஆத்மாவைப் பிரதிபலித்து, அதுவே பிரபஞ்சமயானதும், ஒவ்வொரு ஜீவராசியின் உள்ளும் உறைகிறது என்பதை எடுத்துக் காட்டும்.