நீங்கள் தொடர்ந்து, உளமார சத்தியத்தை ஒட்டி வாழ்ந்தால், குற்ற உணர்வுகள் இதயத்தை அரித்து, வேதனையை உண்டாக்காது. சுலபமான பழக்கம் சத்தியத்தைப் பேசுவதும், நேர்மையாக இருப்பதும்தான். ஏனெனில், நீங்கள் பொய் சொல்ல ஆரம்பித்தால், அவற்றை எண்ணிக் கொண்டு, எவ்வளவு, யாரிடம் சொன்னோம் என நினைவில் வைத்துக் கொண்டு, ஒரு பொய், மற்றொன்றிற்கு மாறாகப் போய் விடாமல் இருப்பதில் எப்போதும் கவனமாக இருக்க வேண்டி வந்து விடும்! மேலும், கோழைத்தனமே உங்களை சத்தியத்தை மறைக்கச் செய்கிறது என்பதை உணருங்கள். வெறுப்பே பொய்மையை கூர்மையாக்குகிறது. துணிவுடன் இருங்கள், பொய் பேச வேண்டிய அவசியமே இருக்காது. ப்ரேமை நிறைந்து இருங்கள்; இரட்டை வேடம், தந்திரங்கள் மற்றும் சதித்திட்டங்கள் போன்றவை தேவை இல்லை. இறுதியாக, ஒரு முக்கியமான உண்மை யாதெனில், நீங்கள் ஒருவரை நேசிப்பவரானால், அவர், சத்தியத்திற்குக் குறைவான எதுவும் இன்றி சத்தியத்திற்கே தகுதி ஆனவர் என்பதை இயல்பாகவே உணருவீர்கள்.