ஒவ்வொருவர் உள்ளும் மிருகங்களின் ஒரு கூட்டமே இருக்கிறது. நீங்கள் இந்த மிருக குணங்களை அடக்கி, மனிதப் பண்புகளான ப்ரேமை மற்றும் நட்புணர்வு பரிமளிப்பதை ஊக்குவிக்க வேண்டும். இளமையாக இருக்கும்போதே நற்குணங்களை வளர்ப்பதைத் தொடங்கி விடுங்கள்; அவை மிகவும் முக்கியமானவையும், புத்தக அறிவை விட நன்மை பயப்பவையும் ஆகும். ஒவ்வொருவரையும் உங்களுடையவராகவே கருதுங்கள்; அவர்களுக்கு ஏதேனும் நன்மை செய்ய இயலாவிட்டாலும், அவர்களுக்கு எந்தவிதமான தீங்கும் இழைக்காதிருங்கள். உங்கள் இதயத்தின் தனி இடத்தில் ப்ரேமையின் தீபத்தை ஏற்றுங்கள்; பேராசை மற்றும் பொறாமை என்ற இரவுப் பறவைகள் இந்த ஒளியைத் தாங்க இயலாமல் பறந்தோடி விடும். ப்ரேமை உங்களை பணிவுடையவராக ஆக்கி விடும்; மேன்மை மற்றும் மகத்துவத்தைக் காணும் போது அது உங்களைத் தலை வணங்கச் செய்யும்.