பரீட்சை வளாகத்திலிருந்து வெளியே வரும்போது, நீங்கள் எவ்வளவு நன்றாகத் தேர்வில் பதில் அளித்திருக்கிறீர்கள் என்பதை நீங்களே கணிக்க முடியும். ஆதலால், நீங்கள் தேர்ச்சி அல்லது தோல்வி அடைவீர்களா என்பது உங்களுக்கே தெரியும் அல்லவா? அதைப் போலவே, உங்களது அன்றாட வாழ்க்கையிலும், நீங்கள் ஒவ்வொருவரும், உங்களது ஆன்மீக சாதனையின் வெற்றி அல்லது தோல்வியைச் சீர் தூக்கி, கணிக்க முடியும். ஆன்மீக சாதனை உங்களுக்கு மிகவும் இன்றியமையாத பயிற்சியாகும். எந்த வயதும் இதற்கு மிகவும் முன் கூட்டியதானது அல்ல. நீங்கள் எவ்வாறு சீரான இடைவெளிகளில், உணவு மற்றும் பானங்களால் உடலை பேணுகிறீர்களோ, அவ்வாறே, உள்ளார்ந்த ஆன்மாவின் தேவைகளை, ஜபம் மற்றும் தியானத்தினாலும், நற்குணங்களை வளர்த்துக் கொள்வதாலும் பூர்த்தி செய்ய வேண்டும். உங்களது அந்தராத்மாவின் வளர்ச்சி மற்றும் போஷாக்கிற்கு புனிதமான நட்பு வட்டம், நல்ல மனப்பாங்கு மற்றும் தூய்மையான எண்ணங்கள் போன்ற அனைத்தும் மிகவும் இன்றியமையாதவை. இந்தப் பிரபஞ்சத்தின் அதிபதியான புவனேஸ்வரன் உறையும் பவனமே உங்கள் உடல்.