அனைத்து அமைதியின்மைக்கும் அடிப்படைக் காரணமாக இருக்கும் சுயபரிசோதனை ( ஆத்ம விசாரம் ) இல்லாமல் இருக்கும் நிலையே இன்றைய மிகப் பெரிய குறையாகும். நீங்கள் உங்களைப் பற்றிய சத்தியத்தைத் தெரிந்து கொள்வதில் ஆர்வம் கொண்டிருந்தால், வழி தவறவே மாட்டீர்கள். அனைத்து பானைகளும் களி மண்ணாலும்,அனைத்து ஆபரணங்களும் தங்கத்தாலும், அனைத்துத் துணிகளும் நூலிழைகளாலும் தான் உருவாக்கப் பட்டுள்ளன. இங்கு,நீங்கள் பல வேற்றுமைகளைக் கண்டாலும்,அங்கு ஒரு ஒற்றுமை உள்ளது. ஒவ்வொருவரின் அடிப்படை ஆதாரம் பரப்பரம்மமே. உங்களின் ஆதாரமும் அதுவே ! நதியின் ஓட்டம் எவ்வாறு கரைகளால் சீரமைக்கப் படுகிறதோ, வெள்ளப் பெருக்கு எவ்வாறு கடலை நோக்கி இயக்கப் படுகிறதோ, அதைப் போலவே, உபநிஷதங்கள் புலன்கள்,மனம் மற்றும் புத்தியை சீரமைத்துக் கட்டுப் படுத்தி, ஜீவாத்மாவை பரமாத்மாவுடன் ஒன்றரக் கலக்க உதவுகின்றன. ஒரு வரை படம் அல்லது வழி காட்டிப் புத்தகத்தைப் புரட்டுவது, நேரில் சென்று பார்ப்பதன் ஒரு இம்மி அளவு மகிழ்ச்சியைக் கூடக் கொடுக்க முடியாது ! சாஸ்திரங்கள் வடைபடம் அல்லது வழிகாட்டிப் புத்தகங்கள் போன்றவை. அவற்றின் படி நடந்து, பேரானந்தத்தை அனுபவியுங்கள்.