சினிமாவின் உதாரணத்தை எடுத்துக் கொள்ளுங்கள்;வெள்ளித் திரையில் நாம் நதிகளின் வெள்ளப் பெருக்கு, சுற்றியுள்ள அனைத்து நிலங்களையும் மூழ்கடிப்பதைப் பார்க்கிறோம். அந்தக் காட்சி வெள்ள நீரால் நிரம்பி இருந்தாலும், அந்தத் திரை ஒரு சொட்டு தண்ணீராலும் நனைவதில்லை. மற்றொரு சமயம் அதே திரையில், எரிமலைகள் தீப்பிழம்புகளுடன் கொதித்து எழுவதைக் காண்கிறோம்; ஆனால் அந்தத் திரை, எரிந்து போவதில்லை. இந்த அனைத்து படங்களுக்கும் ஆதாரமாக விளங்கும் திரை, அவை எவற்றாலும் பாதிக்கப் படுவதில்லை. அதைப் போலவே, மனிதனின் வாழ்க்கையில், நல்லவை, தீயவை, சுகம்,துக்கம், பிறப்பு அல்லது இறப்பு ஆகியவை வந்து கொண்டும், போய்க் கொண்டும் இருக்கும்,ஆனால் அவை ஆத்மாவை பாதிப்பதில்லை. வாழ்க்கை என்னும் சினிமாவில், ஆத்மாதான் வெள்ளித் திரை. அது சிவம்,சங்கரம்,தெய்வீகம். இந்தக் கோட்பாட்டை ஒருவர் புரிந்து கொண்டு விட்டால்,அவர் வாழ்க்கையையும் புரிந்து கொண்டு, அனுபவித்து, பூரணத்துவம் அடைய இயலும்.