நீங்கள் தர்மத்தைக் கடைப் பிடிக்க விரும்பினால், அலைபாயும் மனமும், முடிவு எடுக்க இயலாத தன்மையும் உங்களுக்குத் தடைகளாக இருக்கும். நீங்கள் ஆத்ம ஞானத்தில், நிலை கொண்டிருக்கவில்லை என்றால்,உங்களது செயல்களின் போக்கைப் பற்றிய சரியான உணர்வும் உங்களுக்கு இருக்காது, நீங்கள் வெற்றியும் அடைய மாட்டீர்கள். அதானால் தான் ஸ்ரீமத் பகவத் கீதை, உடல் ( க்ஷேத்ரம் ), மற்றும் உடலினுள் உறைபவன் ( க்ஷேத்ரக்ஞன் ) என்ற இரண்டைப் பற்றியும் அறிந்திருக்க வேண்டியதன் அவசியத்தை வலியுறுத்துகிறது. இரண்டையும் அறிந்து கொள்ளுங்கள்; அதன் பின் அமரத்துவத்தின் புதல்வர்கள் ( அம்ருதஸ்ய புத்ர: ) என்ற பட்டத்திற்குத் தகுதி கொண்டவர்களாக ஆவீர்கள்.இறைவன் மீது கொள்ளும் பக்தியினால் மட்டுமே இந்த ஞானத்தை அடைய முடியும்.பக்தி ,இதயத்தைத் தூய்மைப் படுத்தவும் செய்து,உங்களது உள்ளுணர்வுகளை மேம்படுத்தி, பரந்த, பிரபஞ்ச மயமான கண்ணோட்டத்தை அளித்து,இறைவனது கருணையை உங்களிடம் எடுத்து வருகிறது. செடிகள் வளர்ந்து ,உயர்ந்து மேகங்களில் இருக்கும் உயிரூட்டும் நீரைப் பருக இயலாது; அதானால் தான் மேகங்கள் இ(ர)றங்கி வந்து மழையாகப் பொழிகின்றன.