வாழ்க்கையின் ஏற்ற இறக்கங்களை,இயற்கையாக ஏற்றுக் கொள்ளுங்கள். இவை உலக வாழ்க்கையின் சாதாரண நிகழ்வுகள். காலியாக ஒரு வாழை இலையை வைத்திருக்கும் போது,அது காற்றில் மேலெழுந்து பறக்க முயல்கிறது. ஆனால், அதில் பதார்த்தங்கள் பறிமாறப் பட்ட பின்,அந்த இலையும் அதில் உள்ள உணவும் அசையாமல் அங்கேயே இருக்கும்.அதைப் போலவே, உங்களது மனம் மற்றும் இதயத்தை நற்குணங்களான நம்பிக்கை, நிலையான கட்டுப்பாடு,பக்தி,பற்றின்மை மேலும் சமமான மனப்பாங்கு ஆகியவற்றால் நிரப்புங்கள் -இவையே ஆன்மீக உணவுப் பட்டியலில் உள்ள பண்டங்கள். பின்னர் நீங்கள் ஒவ்வொரு தாக்குதலின் போதும் வீழ்ச்சி அடைய மாட்டீர்கள். நீங்கள் உண்மையான ஞானம் அடைந்த பின், நல் அதிர்ஷ்டம் வந்த போது, பெருமகிழ்ச்சி அடையவோ, துரதிருஷ்டம் வரும் போது துயரம் கொள்ளவோ கூடாது என்பதைப் புரிந்து கொள்வீர்கள். ஒரு வீரன் இந்த இரண்டையும் சமமான பற்றின்மையோடு ஏற்றுக் கொள்வான்.துன்பம் எனும் புயலோ, இன்பம் எனும் தென்றலோ, உண்மையான பக்தனின் இதயத்தில் இருக்கும் ஆனந்த சாகரத்தின் ஆழத்தை அசைக்க முடியாது.