எல்லாக் காலங்களிலும்,அந்த பரப்ரம்மத்துடன் தொடர்பை வைத்துக் கொள்வதற்கான மிகச் சிறந்த வழி, இறைவனின் பல நாமங்களில்,ஒவ்வொரு ஜீவராசியிலும் உறையும் இறைவனது மஹிமையைக் குறிக்கும், ஏதேனும் ஒரு நாமத்தைத் திரும்பத் திரும்பக் கூறும் நாமஸ்மரைணையே. மனிதர்கள் பல தரப்பட்ட வெட்டியான வம்புப் பேச்சுகளிலும், ஸம்பாஷணைகளிலும், அவதூறுகளிலும் ஈடுபடுகிறார்கள். பலர் இப்படிப் பட்ட கீழ்த்தரமானவற்றில் ஆர்வமும்,நேரமும் செலுத்துகிறார்கள். ஆனால்,படைத்தவனையும் அவனது கீர்த்தியையும் நினைவு படுத்தும் நாமஸ்மரணையின் மூலம் அவர்களுள் உறையும் இறைவனைத் தட்டி எழுப்புவதில் நாட்டம் செலுத்துவதில்லை. இந்தக் கட்டுப்பாட்டைப் பேணும் காட்சிகளை மட்டுமே காணுங்கள்;உயர்ந்த மற்றும் மேம்பாடு அளிக்கும் விஷயங்களைப் பற்றியே பேசுங்கள்;தூய்மை அளிக்கும் தலைப்புகளைப் பற்றியே கேளுங்கள்; தூய்மையான சிந்தனைகள் மற்றும் மனக்கிளர்ச்சிகளையே ,உணர்ந்து எண்ணுங்கள். இதுவே, ஒவ்வொருவர் உள்ளும் உறையும் தெய்வீகத்தை வளர்த்துக் கொள்வதற்கான வழி.