இறைவன் உங்களிடம் தவத்தையோ,துறவையோ வேண்டுவதில்லை.அவன் உங்கள் மனம் அவனில் நிலைத்திருக்க வேண்டும் என்றே விரும்புகிறான். உங்கள் மனதை இறைவனில் ஈடுபடுத்தி அதை அவனுக்கு அர்ப்பணித்து விடுங்கள். இதைச் செய்வதற்கான மன வலிமை இல்லையே என்று நீங்கள் இரைஞ்சுவதானால், குடும்பம், செல்வம் மற்றும் புகழ் போன்ற வெற்று மற்றும் வீணான கற்பனைகளில் உங்களை அர்ப்பணித்துக் கொள்வதற்கு மட்டும் எங்கிருந்து மன வலிமை வருகிறது என்று உங்களையே நீங்கள் கேட்டுக் கொள்ளுங்கள். இந்த மன வலிமையை நீங்கள் அந்த மிகச் சிறந்த அர்ப்பணிப்பிற்காகப் பயன் படுத்த முடியாதா ? மனிதர்கள் எளிதாக தங்களது அனைத்தையும் விஷ மயமான உலக இன்பங்களுக்கு அளிக்க முன் வருகிறார்கள்; ஆனால் தங்களது எண்ணங்கள்,உணர்வுகள் மற்றும் செயல்களை இறைவனுக்கு அர்ப்பணியுங்கள் என்ற அறைகூவல் வரும்போது, துவண்டு எதிர்க்கிறார்கள்! பலனை அடைய வேண்டும் என்ற உண்மையான ஆர்வத்தினால் தூண்டப் படுபவர்கள் அனைத்துத் தடைகள், கவர்ச்சிகள், சந்தேகங்கள் மற்றும் ஏமாற்றங்களைக் கடந்து இறை எண்ணங்களில் மூழ்கி இருத்தல் வேண்டும் . பின் இறைவன் அவனுடன் இரண்டறக் கலக்கும் ஆனந்தத்தை உங்களுக்கு அளித்திடுவான்.