ஆன்மீக சாதகர்கள் தங்களது முயற்சிகளின் நடுவில், சில சமயம் இறைவனை அவனது உண்மையான மேன்மையை விட குறைவாக உள்ளவனாகக் கருதுகிறார்கள் ! இறைவன், பாவிகள், ஆன்றோர்கள், அல்லது அறிவாளிகள்,அறிவிலிகள் எனப் பாகுபடுத்துகிறான் என எண்ணுகிறார்கள்; இவை தவறான முடிவுகள்.இறைவன் மனிதர்களை இவ்வாறு பிரிப்பதில்லை.அவன் உண்மையிலேயே அவ்வாறு செய்தால்,ஒரு பாவி கூட இந்த பூமியில் ஒரு கணம் கூட அவனது சீற்றத்தைத் தாங்க மாட்டான். இந்த உண்மை ஞானிகளுக்கு மட்டுமே தெரிந்த ஒன்று. சாதாரண மனிதர்கள்இதை அறியாது,இறைவன் அவர்களிலிருந்து வெகு தொலைவில் இருக்கிறான் என்ற தவறான நம்பிக்கையினால் அவதிப் படுகின்றனர். நீங்கள் குளிரில் நடுங்கும்போது உங்களை உஷ்ணப்படுத்துவது நெருப்பின் இயல்பாகும். ஆனால் நீங்கள் தொலைவில் இருந்தால் அது எப்படி உங்களுக்கு வெப்பம் தந்து உதவ முடியும்?அதைப் போலவே, உலகத் துன்பங்கள் என்ற குளிரை நீக்க வேண்டும் என்ற பேரவா கொண்டவர்கள், இறைவனது அருளால் பெறக்கூடிய ஞானம் என்ற நெருப்பை நாட வேண்டும். அதனால் தான், ஞானி இறைவனுக்குப் பிரியமானவன் எனப் பறைசாற்றப் படுகின்றான்.