தனி மனித புனரமைப்பே இன்றைய மிகவும் அத்தியாவசியமான தேவை. நற்பண்புகளைப் பெருக்கிக் கொள்ளுங்கள், கட்டிடங்களை அல்ல.நீங்கள் கூறும் அறிவுரையை,நீங்கள் பின்பற்றுங்கள், அதுவே உண்மையான புனித யாத்திரையாகும். உங்கள் மனதிலிருந்து பொறாமையையும், வன்மத்தையும் நீக்கி விடுங்கள்:இதுவே புனித தீர்த்தத்தில் நீராடுவதாகும். உள்ளிருக்கும் இதயம் தூய்மையாக இல்லாது,நாவில் மட்டும் இறை நாமம் இருந்து என்ன பயன்? மனிதர்களிடம் உள்ள ,சொல்வது ஒன்று,செய்வது மற்றொன்று என்ற இந்த ஒரே ஒரு குறையால், அநீதியும் அதிருப்தியும் எங்கும் பரவி வருகின்றன. நீங்கள் உங்களை சரி செய்து கொள்ள வேண்டும்: மேலும் உங்களது உணவு, பொழுதுபோக்கு, ஓய்வு நேரத்தைச் செலவிடும் முறை, எண்ணங்கள் மற்றும் பழக்கங்கள் ஆகியவற்றைத் திருத்திக் கொள்ள வேண்டும்.காம,க்ரோதங்களை விலக்கி, கோபம் மற்றும் பேராசை என்ற கொழுந்து விட்டு எரியும் தீயை அணைக்க வேண்டும்.பின்னர் உங்களுள்ளேயே உறையும் சாந்தமும்,சௌக்கியமும் தடையின்றி வெளிப்படும்.நீங்கள் சாந்தியின் பண்புருவமே : சந்தோஷம் உங்களது இயல்பான தன்மையே.