நீங்கள் உங்கள் வாழ்க்கையில் பல உகாதிப் பண்டிகைகளைக் ( தெலுங்குப் புத்தாண்டு ) கொண்டாடி இருப்பீர்கள். புனித நீராடுவது,புத்தாடைகளை அணிவது,வீட்டைச் சுத்தம் செய்து மாவிலைத் தோரணங்களால் அலங்கரிப்பது போன்ற பல சம்பிரதாய வழக்கங்கள் ஒவ்வொரு பண்டிகையுடன் அமைந்துள்ளன. உண்மையான மகத்துவம் நமது எண்ணங்களைத் தூய்மைப் படுத்திக் கொள்வதில் உள்ளதே அன்றி நிலையற்ற இந்த உடலை மட்டும் தூய்மைப் படுத்துவதில் அல்ல. ஒரு பண்டிகையின் முக்கியத்துவம் புத்தாடைகள் அணிவதில் இல்லை; ஆனால் புதிய மற்றும் சீரிய எண்ணங்களை வளர்த்துக் கொள்வதில் இருக்கிறது. வீட்டை மாவிலைத் தோரணங்களால் மட்டும் அலங்கரித்தால் போதாது; அன்பின் தோரணங்களால் அலங்கரிக்க வேண்டும். நீங்கள் சந்திக்கும் ஒவ்வொருவருடனும் உங்கள் அன்பைப் பகிர்ந்து கொள்ளுங்கள். இதன் பிறகே நீங்கள் பண்டிகையை உண்மையான மெய்கருத்துடன் கொண்டாடுவதாக அமையும். இந்தப் புத்தாண்டில் உங்கள் எண்ணங்களை புனிதமான மற்றும் பரந்த உணர்வுகளால் தூய்மைப் படுத்துங்கள். தெய்வீக அன்பைப் பெருக்கிக் கொண்டு ஒவ்வொரு நாட்டிலும் சாந்தியை பேணுங்கள். உங்கள் நாளை,'' இவ்வுலகனைத்தும் இன்புற்றிருக்கட்டும் '' என்ற பிரார்த்தனையுடன் தொடங்குங்கள். பின் நீங்கள் உற்சாகம் நிறைந்த ஆனந்தமான, மற்றும் அமைதியான வாழ்க்கை வாழ முடியும்.