தற்காலத்தில் எல்லாப் பொருட்களின் மதிப்பும் உயர்ந்து விட்டது.மனிதனின் மதிப்பு மட்டுமே குறைந்து விட்டது. விலை மதிப்புள்ள மாணிக்கங்களான, ஆராயும் திறன், பகுத்தறிவு மற்றும் பற்றின்மை ஆகியவற்றைப் பெற்றிருந்தாலும் மனிதன் அவற்றை கை நழுவ விட்டு விட்டு, மெய்ப் பொருளின் கடுமையான ஏழ்மையின் விளைவுகளை எதிர் கொண்டுள்ளான். கோபம்,வெறுப்பு மற்றும் பேராசை ஆகியவற்றின் கட்டில்லாத பெருக்கத்தினால் மனிதன் மிருகங்களை விட கீழ்த்தரமானவனாக ஆகி விட்டான். மக்கள், பிறருடனும், அனைத்து ஜீவராசிகளுடனும், அனைத்து உலகங்களுடன் தமக்குள்ள ஒற்றுமையை மறந்து விட்டார்கள்.அனைத்து ஜீவராசிகளின் ஒற்றுமையை ஆழ்ந்து சிந்திப்பதால் மட்டுமே, தனி மனித சாந்தி மட்டும் இன்றி,சமுதாயம் மற்றும் உலக அமைதியையும் நிலை நாட்ட முடியும். மற்ற முயற்சிகள் அனைத்தும் ஒரு சாம்பல் குவியலில் பன்னீர் தெளிப்பதைப் போலவே-அது பயனற்றது, முட்டாள்தனமானது. வெறும் அறியாமையே உங்களை இந்தப் பணியிலிருந்து விலக்கி வைத்திருக்கிறது. உங்களைப் பற்றியும், உலகத்தைப் பற்றியுமான உண்மையை அலசி ஆராயுங்கள். ஆன்மாக்களின் ஒற்றுமையைப் பற்றிய அறிவான ஆத்ம ஞானம் என்ற அடித்தளத்தின் மீது அமைதி என்ற கட்டிடத்தை அமையுங்கள்.