ஒவ்வொருவரும் சந்தோஷத்தை நாடுகிறார்கள்.சௌகரியமான வேலை மற்றும் உயர்ந்த பதவிகள் ஆகியவற்றைத் தேடுவது, வங்கிகள் மற்றும் வியாபார நிறுவனங்களை அமைப்பது, பங்களாக்களின் வளர்ச்சி, இவை அனைத்தும் சந்தோஷமாக வாழவேண்டும் என்று ஆர்வத்தின் அடையாளங்களே. ஆனால், மனச்சாந்தியுடன் வாழ வேண்டும் என்பதில் உண்மையான ஆர்வம் இல்லை. சந்தோஷமும் மனச்சாந்தியும் ஒன்று எனக் குழப்பிக் கொள்ளக் கூடாது. பணக்காரர், உயர்ந்த பதவியில் இருப்பவர், வசதியானவர் அல்லது வலிமை படைத்தவர் என்ற எவரும் மனச்சாந்தியுடன் இருப்பதில்லை. மனச்சாந்தியை வங்கிக் கணக்குப் புத்தகங்களிலும்,இரும்புப் பணப் பெட்டிகளிலும் காண முடியாது. இந்த உண்மையை நீங்களே ஆராய்ந்து, சரி பார்த்துக் கொள்ளலாம். வெடி குண்டுகளையும், ஆயுதங்களையும் குவிப்பதனால் மட்டும் சாந்தியை உறுதி செய்ய முடியாது. வெறும் பயங்கரவாதம்,மற்றும் அதை எதிர்த்துப் போராடுவது என்பவை மட்டும் சுமூகத்தையும்,ஒற்றுமையையும் நிலை நிறுத்த முடியாது. உடலியல்பு என்பது ஆன்மீகத்திற்குக் கீழ்ப்படிந்தாக வேண்டும் என்பதை உணருங்கள். மனச்சாந்தியின் ரகசியம் சேவை ஆற்றுவதிலும்,அனைத்து ஜீவராசிகளிடமும் அன்பு காட்டுவதிலும் தான் இருக்கிறது. மனித மனங்களிலிருந்து வெறுப்பையும், பயங்கரவாதத்தையும் நீக்கும் வரை உலக அமைதி மலராது; இந்த இரண்டு தீய குணங்களையும் ஒவ்வொரு இதயத்திலிருந்தும் எடுத்து விட்டு அங்த இடத்தில் அன்பையும், சேவை உணர்வையும் நிலை நாட்டுங்கள்.