இந்த '' நான் '' , ஆழ்ந்த உறக்க நிலையில் செயலற்று இருக்கிறது; எனவே உங்களைப் பொறுத்த அளவில் இந்த உலகம் இல்லை. இதைப் போலவே, நீங்கள் பிறக்கும் முன்பும்,இறந்த பிறகும் ,நீங்கள் உணரக்கூடிய நிலையில் உள்ள உலகம் எதுவும் இல்லை.இத்தகைய ஞானத்தைப் பெற்று அதில் நிலை கொண்டிருப்பதற்கு, நீங்கள் கர்மா (அர்ப்பணிக்கப்பட்ட செயல்) மற்றும் உபாஸனா ( இறைவனை நினைவு கூர்தல்), என்ற உங்களை ஆயத்தம் செய்கின்ற பள்ளிகளில் பயின்றாக வேண்டும். கர்மா உங்களது இதயத்தில் உள்ள அஹங்காரத் தூண்டுதல்ளைக் களைய உதவுகிறது. உபாஸனா , இடையறாது உங்களது கவனத்தை அந்த பரம்பொருளின் மீது ஒருமுகப்படுத்த உதவுகிறது. பின்னர் ஞானம் வெளிப்பட்டு, உங்களுடன் என்றென்றைக்கும் நிலைத்து நிற்கும். அந்த ஞானத்தை வென்றபின் நீங்கள் தலைசிறந்த ஆன்றோரை ஒத்தவராக ஆகிவிடுகிறீர்கள்; அதன் பின் அறிந்து கொள்வதற்கு எதுவுமே இல்லை.