ஆத்மாவிற்கு இயல்பாகவே பற்றுதல்கள் கிடையாது. தனக் கென்று தேவைகள் அல்லது தனிப்பட்ட உடமைகளின் இயல்புகள் ஆகியவை பற்றிய உணர்வுகளும் கிடையாது. அஞ்ஞானத்தின் சின்னங்களான '' நான்'', '' எனது '' என்பவையும் கிடையாது. அஞ்ஞானத்தினால் பீடிக்கப் பட்டவர்களே,அஹங்காரம் அல்லது '' எனது '' என்ற உணர்வுகளால் பாதிக்கப் படுகிறார்கள். சாதாரணக் கண்களுக்கு, '' நான் தான் செய்கிறேன் '' என்று தோன்றினாலும், உண்மையில் ,'' அந்த நான் ,எந்தச் செயலையும் செய்யாதவரே'' ! இது மட்டுமல்ல, கர்மாவின் பாதிப்பு அதை முடித்தவுடன் முடிந்து விடுவதில்லை. கர்மா பலன்களை அளிக்கிறது; கர்மாவின் இந்தப் பலன்கள், அவற்றிற்கான ஆசைகளை உற்பத்தி செய்கின்றன; இவை மேலும் கர்மா செய்வதற்கான தூண்டுதல்களில் சென்று முடிகின்றன. இந்தத் தூண்டுதல்கள் மேலும் பிறப்புக்களை உருவாக்குகின்றன. இவ்வாறு கர்மா பிறப்பு, இறப்பு என்ற சுற்று வட்டத்திற்கு இட்டுச் செல்கிறது; இந்த நச்சுச் சுழல் உங்களை சுற்றிச் சுற்றி வரச் செய்து இறுதியில் அதன் ஆழத்திற்கே இழுத்துச் சென்று விடுகிறது. எனவே இந்த உலகம் மற்றும் அதன் பொருட்களின் மீது நம்பிக்கை வைக்காதீர்கள். பற்றுதலற்ற மனப்பாங்கினை வளர்த்துக் கொண்டு அதைக் கடைப்பிடியுங்கள். !