நீங்கள் இந்த நாமம், ரூபம் ,புலன்கள்,புத்தி மற்றும் மனத்தை உடைய உடல் தான் என்ற தவறான நம்பிக்கையின் ஆணி வேரையே அழிப்பதே ஆசை ,கோபம் மற்றும் வெறுப்பை விட்டொழிப்பதற்கான சிறந்த வழியாகும். இந்த பாரத்தைத் தான் நீங்கள் சுமந்து கொண்டு இருக்கிறீர்கள். இது எனது மூக்கு,எனது புத்தகம்,எனது குடை என்றெல்லாம் நீங்கள் கூறுவதில்லையா ? இவை எல்லாவற்றையும் '' எனது '' என்று கூறும் யார் இந்த '' நான் ''?அதுவே உண்மையான '' நீங்கள்'' !அது நீங்கள் பிறக்கும் போதும் இருந்தது, உங்கள் உடல் மற்றும் அதன் பாதிப்புக்களுடன் கூடவே அனைத்தையும் மறந்து நீங்கள் உறங்கும் போதும் இருக்கிறது. அந்த '' நான் '' காயப்படுத்த முடியாதது, மாறாதது, பிறப்பையா,இறப்பையோ அறியாதது. இந்த உண்மையை உணரும் கட்டுப் பாட்டைக் கற்றுக் கொள்ளுங்கள்; நீங்கள் எப்போதும் சுதந்திரமானவர்களாகவும்,துணிவுள்ளவராகவும் ஆகிவிடுவீர்கள். இதுவே உங்களுக்காக முனிவர்களும், குருமார்களும் கண்டறிந்த உண்மையான கல்வி( ஆத்ம வித்யா) ஆகும்.நீங்களும் கூட ஒருநாள் இதைக் கற்றுக் கொண்டு உங்களைக் காப்பாற்றிக் கொள்ள வேண்டும். அனைவரும் ஞானத்தின் வழி சென்று இலக்கை அடைந்தே ஆக வேண்டும்.