இனிமையாக இருப்பவற்றைச் செய்வது மிகவும் எளிது என்பதை நினைவில் கொள்ளுங்கள். ஆனால் நன்மை அளிப்பவற்றைச் செய்வது மிகவும் கடினமானதே. இனிமையாக இருக்கும் அனைத்தும் லாபம் தருபவை அல்ல. ரோஜா மலர்கள் தூவப்பட்டுள்ள ( இதமான ) பாதையை விடுத்து,சம்மட்டி அடிகள்,கத்துக் குத்துக்கள் என்ற அபாயங்கள் நிறைந்த பாதையை எதிர் கொள்ளுபவருக்கே வெற்றி கிடைக்கும். உண்மையில் ,எந்தப் பாதையுமே ரோஜா இதழ்கள் தூவப்பட்டதல்ல. கடமைகளுக்கும்,ஆசைகளுக்கும் இடையே எப்போதும் சண்டை நடக்கும் போர்க்களமே ( தர்மக்ஷேத்திரம் ) வாழ்க்கை . உங்கள் இதயத்தில் எழும் கொழுந்து விட்டு எறியும் ஆசைகள், வெறுப்பு,கோபம் ஆகியவற்றைத் தணியுங்கள்; உங்களை மிருகங்களாக மாற்றும் இந்த எதிரிகளுக்குப் பணிவது வெறும் கோழைத்தனமாகும். எல்லா இடையூறுகளையும் தைரியத்துடன் எதிர் கொள்ளுங்கள். துன்பங்கள் உங்களைத் திண்மையும்,வலிமையும் உள்ளவராக ஆக்குகின்றன.