தண்ணீரில் இருப்பதைப் பொறுத்துத் தான் ஒரு முதலையின் சக்தி அமைகிறது; கடைப்பிடிப்பதில் தான் தர்மத்தின் சக்தி உள்ளது. நடைமுறைப் படுத்தாது, வெறும் வார்த்தைகள் எனும் மணலில் வீசி எறியப்பட்ட தர்மம்,வலுவிழந்து விடும். சத்யம் நமது வாக்கில் உள்ளது; அது, மாறாது கடைப்பிடிக்கும் போது தான் வலிமை பெறுகிறது. ' வலிமை ' என்ற வார்த்தையை இரண்டு விதமாக பொருள் கொள்ளலாம். ஒன்று மிருகத் தனமான ( அசுர) வலிமை , மற்றொன்று தார்மீக வலிமை. மஹாபாரத இதிகாசத்தில், பஞ்ச பாண்டவர்களில் இ ரண்டாமவனான பீமனுக்கு உடல் வலிமை இருந்தது; ஆனால் அவனது மூத்த சகோதரரான தருமர் உடனிருந்ததால், பீமனது வலிமை தார்மீகமானதாக ஆனது. தர்மத்தைக் கடைப்பிடித்ததால் பாண்டவர்கள் காப்பாற்றப் பட்டார்கள் ! தர்மம் இல்லை என்றால் அவர்கள் ஆரம்பத்திலேயே தோல்வியைத் தழுவி இருப்பார்கள். சந்தேகத்திற்கு இடமின்றி அதிக வலிமை கொண்டிருந்த போதும் கௌரவர்கள் (பாண்டவர்கள் எதிர்த்துப் போராடிய நூறு சகோதரர்கள்) ஏன் தோல்வி அடைந்தார்கள் ? அவர்களிடம் தார்மீக வலிமை குன்றியிருந்தது. அவர்கள் மிருகத் தனமான வலிமையை மட்டுமே சார்ந்திருந்தார்கள்.