ஆரம்ப வகுப்புகளில் படிக்கும் போது ,குழந்தைகள் பணிவு , கட்டுப்பாடு மற்றும் நன்னடத்தையுடனும் நடந்து கொள்கின்றனர். ஆனால் மேல் வகுப்புக்குச் சென்று அடையும் போது,இவற்றில் சில குணங்களை இழந்து விடுகின்றனர். கல்லூரிக்குச் சென்றவுடன் அநேகமாக எல்லாமே போய் விடுகிறது ! எதனால்? ஆரம்ப வகுப்புகளில் ஆசிரியர்கள் அவர்களது கட்டுப்பாடு மற்றும் நன்னடத்தை ஆகியவற்றிற்குக் காரணமாக அமைகின்றனர். மேல் வகுப்புகளிலும், கல்லூரிகளிலும் மாணவர்களிடம் நற்பண்புகள் மற்றும் ஆன்மீகத்தை முன்னேற்றுவதற்காக, தாமே நடந்து வழிகாட்டும் விதமாக ஏதாவது செய்யப் படுகிறதா? இந்நாளில் கல்வி வேலை பெறுவதற்காகவே நாடப்படுகிறது; இது சரியல்ல. கல்வி என்பது சரியான உணரும் திறனை வளர்ப்பதற்காகத் தான். புத்தக அறிவுடன் மாணவர்கள் கலாசாரத்தையும் மனதிற் கொள்ள வேண்டும் ஆன்மீகமும் ,ஒழுக்கமும் மாணவர்களிடையே வளர்க்கப் பட வேண்டும். உலகில் உள்ள அனைத்துத் தொழில்களின் ஆசிரியர் தொழிலே மிகவும் மதிப்பு வாய்ந்தது. நல்ல மற்றும் மேன்மை அளிப்பவற்றை மாணவர்களுக்கு ஆசிரியர் புகட்ட வேண்டும். அனைத்து கல்வி நிலயங்களிலும் இவை வளர்க்கப் பட வேண்டும்.