எப்போதும் உயர்ந்த சிந்தனைகளிலேயே மனதை நிலை கொள்ளச் செய்யுங்கள். காற்று ஒரு கால்பந்தில் நுழையும் போது, அந்த பந்தைப் போல உருவம் எடுக்கிறது. அது ஒரு பலூனில் நுழையும்போது உருண்டாகவோ,முட்டைவடிவமாகவோ ஆகிறது. அதைப் போலவே, மனமும்,தான் பற்றிக் கொள்ளும் பொருட்களின் வடிவத்தை அடைகிறது. கீழ்த்தரமான பொருட்களில் நிலை கொண்டால் அதுவும் கீழ்த்தரமானதாக ஆகி விடுகிறது. அது உயர்ந்த மற்றும் சீரிய சிந்தனைகளில் ஒரு முகைப் பட்டால், உயர்ந்ததாகவும், சீரியதானதாகவும் ஆகிறது. கேமரா, தான் நோக்கி வைக்கப்படும் பொருளை படம் பிடிப்பதைப் போன்றதே மனமும். பற்றுதல் வைப்பதற்கு முன் பகுத்தாராயுங்கள். உங்களது பற்றுதல்கள்,மனைவி ,மக்கள்,நிலம் மற்றும் கட்டிடங்கள், வங்கிக் கணக்குகள் மற்றும் அதன் சேமிப்பு ஆகியவற்றில் இருந்தால்,அவை வீழ்ச்சி அடையும் போது துக்கத்திற்கு ஆளாவீர்கள். இறைவன் மீது நிலையான, மனமார்ந்த பற்றுதலை வளர்த்துக் கொண்டால், நீங்கள் அன்பிலும், ஒளியிலும் வளர்வீர்கள். தாடியும்,ஜபமாலையும் மட்டும் பக்தி அல்ல, மணி அடிப்பது,கற்பூரம் ஏற்றுவது, மலர் அணிவிப்பது போன்றவை மட்டும் வழிபாடு அல்ல. உங்களது ஆன்மீகக் கட்டுப்பாடு,சிந்தனைகள் மற்றும் புலனடக்கத்தைக் கொண்டுதான் நீங்கள் மதிப்பிடப் படுகிறீர்கள்.