நீங்கள் எங்கு நோக்கினாலும் இறைவன் அங்கு இருக்கிறான். நீங்கள் யாரைப் பாரத்தாலும் அவருள் இறைவன் உள்ளான். இறைவனுக்கு ஒரு குறிப்பிட்ட வடிவம் கிடையாது;எல்லா வடிவங்களும் அவனுடையதே. அதனால் தான் வேதங்கள்,'' ஸஹஸ்ர ஷீருஷா புருஷ:,ஸஹஸ்ராக்ஷ, ஸஹஸ்ரபாத் -அதாவது அந்த பிரம்மாண்ட நாயகனுக்கு ஆயிரம் தலைகள் ஆயிரம் கண்கள், ஆயிரம் பாதங்கள்'' என்று பறை சாற்றுகின்றன.தியானத்தில் அமரும்போது மனதை அலைய விடாதீர்கள்; அதை நிலை நிறுத்துங்கள். உங்களுக்குள் வித்தியாசங்களை வளர்த்துக் கொள்ளாதீர்கள் ஏனெனில் அந்த பிரச்சனைகள் பல துன்பங்களை உருவாக்கும். எப்போதாவது எவரும் உங்களை கோபத்திற்கு உள்ளாக்கினால்,அவரிடன் சண்டை போடாதீர்கள்; நீங்கள் சண்டை போடும் போது உங்களுக்கே கெடுதல் விளைவித்துக் கொள்கிறீர்கள் என்பதைப் புரிந்து கொள்ளுங்கள். மேலும் உங்களை எண்ண ஓட்டத்தைக் கட்டுப்படுத்துங்கள். இவை அனைத்தும், உண்மையிலேயே கற்ற ஒருவரின் குணநலன்களாகும். இதைத் தான் '' எஜூகேர் ( விழுக்கல்வி) '' என்கிறோம். கல்வியுடன் கூடவே,இந்த விழுக்கல்வியும் உங்களிடம் இருக்க வேண்டும், ஏனெனில் இது உங்களுக்கு ஆரோக்கியம்,மகிழ்ச்சி, சாந்தி மற்றும் வளமையை அளிக்கும். உங்கள் இதயத்தைத் தூய்மைப் படுத்தினீர்களானால், ஒவ்வொன்றும் நல்லவையாக ஆகிவிடும்.