அன்னையர் தங்கள் குழந்தைகளுக்காக தங்கள் உயிரையே தியாகம் செய்யத் தயாராக இருப்பவர்கள். அவர்கள் தியாகத்தின் உருவமாகத் திகழ்கின்றனர். அதனால்தான் இந்த பாரத தேசத்தில் அன்னைக்கு இவ்வளவு உயர்ந்த இடம் கொடுக்கப்பட்டுள்ளது. தாயும், தாய்நாடும் சொர்க்கத்தை விட உயர்ந்தது என்று இராமர் கூறினார். இராமரே எடுத்துக்காட்டிய அப்படிப்பட்ட லட்சியம் இன்று மறக்கப்பட்டுவிட்டது. இராம நாமத்தை உச்சரித்தால் மட்டும் போதாது; நீங்கள் அவருடைய ஆணையை சிரமேற்கொண்டால் மட்டுமே உங்களை உண்மையான பக்தன் என்று அழைக்க முடியும். ஒருவர் தனது தாயை மதித்து நேசிக்க வேண்டும், அவளுடைய உணர்வுகளை ஒருபோதும் புண்படுத்தக் கூடாது என்பதை நினைவூட்டவே Ladies Day - ‘மகளிர் தினம்’ கொண்டாடப்படுகிறது. மாணவ மாணவியரே! அன்னையின் அன்பை எப்போதும் நினைவில் வைத்திருங்கள். உங்கள் தாயை எந்த விதத்திலும் துன்புறுத்தாதீர்கள். ஸ்வாமியின் அன்பு ஆயிரம் அன்னையரின் அன்புக்கு ஈடானது என்கிறீர்கள். ஒரு அன்னையின் அன்பையே உணர்ந்து அனுபவிக்க முடியாத உங்களால் ஆயிரம் அன்னையரின் அன்பை எவ்வாறு புரிந்து கொள்ள முடியும்? உங்கள் அன்னையை உங்களால் மகிழ்விக்க முடியவில்லை என்றால் ஸ்வாமியை எப்படி மகிழ்விப்பீர்கள்? நீங்கள் உங்கள் தாயை மகிழ்வித்தால் ஸ்வாமி மகிழ்ச்சியடைவார். ஸ்வாமிக்கு வேறு எதுவும் தேவையில்லை. (தெய்வீக அருளுரை, நவம்பர்19, 1998)