சமுதாயத்திற்குச் சேவை செய்து, அதன் முன்னேற்றத்தை மேம்படுத்துவதன் மூலம் மோட்சத்தையே கூட பெற முடியும். ஒற்றுமை உணர்வு, தியாகம் செய்யவதற்கு விருப்பம், கருணை ஆகியவற்றின் மூலம் எல்லாவற்றையும் பெற முடியும். எனவே, சத்ய சாயி நிறுவனங்கள் சமுதாய சேவையில் மனம் நிறைந்த உற்சாகத்துடன் முன்னோக்கிச் செல்ல வேண்டும். சேவையின் முதல் பாடத்தை குடும்ப வட்டத்தில் கற்றுக் கொள்ள வேண்டும். தாய், தந்தை, சகோதரர்கள், சகோதரிகள் என நன்கு பின்னிப்பிணைந்த இந்தச் சிறிய குழுவில் ஒருவர் அன்பான சேவையில் ஈடுபட்டு, பின் வீட்டிற்கு வெளியே காத்திருக்கும் பரந்த சேவைக்குத் தயாராக வேண்டும். ஒவ்வொரு உறுப்பினரின் இயல்பும் குடும்பத்தின் சாந்தியையும் செழிப்பையும் தீர்மானிக்கிறது; ஒவ்வொரு குடும்பத்தின் இயல்பும் ஒரு கிராமம் அல்லது சமுதாயத்தின் வலிமையையும் மகிழ்ச்சியையும் தீர்மானிக்கும் அடிப்படை அம்சமாகும். மேலும் தேசத்தின் முன்னேற்றம் அதன் சமுதாயங்களின் வலிமையையும் மகிழ்ச்சியையும் அடிப்படையாகக் கொண்டது. எனவே, தேசம் மற்றும் உலகம் அனைத்திற்குமான நலனுக்கு, சேவை மனப்பான்மை, இன்றியமையாத உற்சாகம், ஆக்கபூர்வமான கற்பனைத்திறம், தூய்மையான ஊக்கம், தன்னலமற்ற கவனம் ஆகியவை உடனடித் தேவையாகும். (தெய்வீக அருளுரை, நவம்பர்19, 198)