இரத்த சோகையைக் குணப்படுத்த கால்சியம் மற்றும் வைட்டமின் மாத்திரைகள் கொடுப்பது போல், மனச்சோர்வு மற்றும் பிற நோய்களில் இருந்து விடுபட இறைநாமஸ்மரணை எனும் மாத்திரைகளை சாப்பிடுங்கள். தொண்டைக்கு நிவாரணம் தரும் சில மருந்துகள் உள்ளன. அவற்றை நீங்கள் வாயில் இட்டு மெதுவாக சுவைத்து விழுங்கினால் இருமலில் இருந்து விடுபடலாம்; இதேபோல், உங்கள் நாவில் நாமஸ்மரணையை வைத்துக் கொண்டு அதன் சுவையை மெதுவாக உணர்ந்து, பொங்கி எழும் தீவிர ஆசைகள் மற்றும் உணர்ச்சிகளின் துன்புறுத்தலில் இருந்து விடுபடுங்கள். இறைநாமம் எனும் தீபத்தை உங்கள் நாவில் ஏற்றி வைத்திடுங்கள்; இது உங்கள் அகத்திலும் புறத்திலும் ஒளியூட்டும். மேலும் அது உங்களுடைய மனதையும், அதைக் கேட்பவர்களையும் கூடத் தூய்மைப்படுத்தும். இறைவனுடைய திருநாமத்தை நாவில் கொண்டிருப்பது, உங்களுடைய வீட்டு வாசற்படியில் தீபத்தை ஏற்றி வைத்திருப்பது போலாகும். நாமஸ்மரணை மிகச்சிறந்த ஆன்மிக சாதனையும், மிகுந்த நன்மை பயக்கும் நற்செயலுமாகும். இதுவே மிக உயர்ந்த பிரார்த்தனை, மிகுந்த பலனளிக்க வல்ல ஆன்மிகப் பயிற்சி. அதே வழியில்தான் குசேலர் இறையருளைப் பெற்றார். எப்போது நாமஸ்மரணை செய்தாலும், அந்தத் திருநாமத்தை உங்களுடைய ப்ரேமையால் நிறைத்திடுங்கள்; பக்தியில் அதைத் தோய்த்திடுங்கள். அதுவே உங்கள் அனைவருக்கும் மிகவும் எளிதான மார்க்கமாகும். (தெய்வீக அருளுரை, ஏப்ரல்29, 1963)