நீங்கள் இறைநாமஸ்மரணை செய்யும்போது இறைவனது ரூபத்தின் இனிமையும் மகிமையும் உங்கள் நினைவிற்கு வர வேண்டும்; உங்களுக்குப் பிடித்த இனிப்பை நினைத்தவுடன் வாயில் நீர் சுரப்பதைப் போல, நீங்கள் இறைவனுடைய திருநாமத்தைச் சிந்திக்கும்போது உங்கள் மனதில் பக்தி நீர் சுரக்க வேண்டும். உங்கள் மனதைக் கவர்ந்திழுக்கும் திருநாமத்தைத் தேர்ந்தெடுத்துக் கொள்ளுங்கள். செல்வம் தரும் எல்லா சுக சந்தோஷங்களையும் விட, நூறு மடங்கிற்கும் அதிகமாகவே தரக் கூடிய இறைநாமஸ்மரணையை விட்டுவிட்டு செல்வத்தின் பின்னால் ஏன் ஓடவேண்டும்? “எங்கு என் திருநாமம் பாடப்படுகிறதோ, அங்கே நான் இருக்கிறேன்,” என்று இறைவன் கூறியுள்ளான். அவன் அங்கு தன்னையே பிரதிஷ்டை செய்து கொள்கிறான்! அந்த இடத்தை விட்டு அவன் விலகுவதுமில்லை. எனவே, அவனை வெல்வதற்கு தூய மனதின் மொழியைப் பேசும் நாக்கு ஒன்றே போதும். இறைவன் நாம் கேட்டதை அருளும் கற்பக விருட்சம். நீங்கள் அவனை நாடி அவன் மீது பற்றை வளர்த்துக் கொள்ள வேண்டும். நீங்கள் அவனுடைய அருளைப் பெற்றடைந்து, அவனிடமிருந்து உங்களைப் பிரிக்கும் அனைத்து சக்திகளையும் புறந்தள்ளிவிட்டு எப்பொழுதும் அவனுக்கு நெருக்கமாகவே இருக்க வேண்டும். (தெய்வீக அருளுரை, ஏப்ரல்29, 1963)