உங்கள் இதயங்களை இறைவன் உறையும் ஆலயங்களாக ஆக்குவதுதான் இலட்சியமாக இருக்க வேண்டும். ஆனால் இது அனைவருக்கும் சாத்தியமில்லை. கல்லால் ஆன கோயில்கள் இறைவன் இருப்பதை நினைவூட்டுகின்றன. ஒரு வழக்கறிஞரைப் பார்க்கும்போது உங்களுடைய வழக்குகள் நினைவுக்கு வருகின்றன. நீங்கள் ஒரு மருத்துவரைப் பார்க்கும்போது உங்கள் நோயைப் பற்றி நினைக்கிறீர்கள். அதைப்போல ஒரு கோவிலைக் கண்டால் இறைவன் நினைவுக்கு வருகிறான். கோயில்கள் நினைவூட்டுவதற்காகவே பயன்படுகின்றன. ஆனால் உண்மையான வழிபாடு என்பது ஒவ்வொருவரிடமும் உள்ள இறைவன் மீதான இதயபூர்வமான பக்தியே. உங்கள் இதயமெனும் கோயிலைத் தூய்மைப்படுத்தி, உங்கள் வாழ்க்கையை சேவைக்காகவே அர்ப்பணிக்க வேண்டும். ஆன்மிக சாதனையாக ஆற்றப்படும் இப்படிப்பட்ட அர்ப்பணிப்புணர்வு கொண்ட சேவையே சத்ய சாயி நிறுவனங்களை வேறுபடுத்தி தனிச்சிறப்புடன் காட்டுகிறது. எண்ணற்ற சாயி பக்தர்கள், ஆண்கள், பெண்கள், சிறியவர், பெரியவர் என, சாயி மீதுள்ள அன்பினால் பல்வேறு விதங்களில் சேவை செய்து வருகின்றனர். மக்கள், ஸ்வாமி சிருஷ்டிக்கும் விபூதியைப் பற்றியும், ஸ்வாமியின் அற்புதங்களைப் பற்றியும் பேசுகிறார்கள். ஆனால் உண்மையான அற்புதம் ஸ்வாமியின் அளவற்ற ப்ரேமையே. இந்த ப்ரேமையே எண்ணற்ற பக்தர்களை தன்னலமற்ற சேவையில் ஈடுபடத் தூண்டுகிறது! (தெய்வீக அருளுரை, ஏப்ரல்06, 1983)