பண்டைய காலத்தில், பாரத மக்கள் நல்லொழுக்கமும் புனிதமான வாழ்க்கையும் நடத்தி, பெயரும் புகழும் பெற்று உலகிற்கு முன்னுதாரணமாக விளங்கினர். இன்றைய குழந்தைகள் தங்கள் பெற்றோரையே பின்பற்றுகின்றனர். மரம் விதையை அடிப்படையாகக் கொண்டது, விதை மரத்தின் தன்மையைத் தீர்மானிக்கிறது. இன்றைய குழந்தைகளின் தீய வழிகளுக்கும் மோசமான நடத்தைக்கும் பெற்றோர்கள் மட்டுமே காரணம். பெற்றோர்கள் தங்கள் குழந்தைகளுக்கு உண்மையைப் பேசுவதற்கும், நேர்மையாக நடந்து கொள்வதற்கும், நல்ல பெயரைப் பெறுவதற்கும் அறிவுரை செய்வது அரிதாகிவிட்டது. இப்படிப்பட்ட மோசமான பெற்றோர்களால், தேசம் அதன் நல்ல பெயரை இழந்து வருகின்றது. அத்தகைய குழந்தைகள் பிறக்காமல் இருப்பதே நல்லது. அவர்கள் தங்கள் பெற்றோருக்கும் நாட்டிற்கும் வெட்கக்கேடு. அவர்களின் கல்வியும் உத்தியோகமும் அவர்களுக்கு அதிகாரம், பதவி, செல்வம் ஆகியவற்றைப் பெறுவதற்கு உதவலாம்; ஆனால் இவை இரக்கம், கருணை, தியாகம் போன்ற நற்பண்புகளை அவர்களிடம் வளர்க்க உதவாது. அவர்கள் ஈட்டியவை அனைத்தும் நிரந்தரமானவை அல்ல. ஒருவன் எந்த பலத்தை வேண்டுமானாலும் பெற்றிருக்கலாம், ஆனால் தெய்வ பலம் இல்லையெனில் அவன் பலவீனமானவனே. (தெய்வீக அருளுரை,மே06, 1992)