இந்நாளில் சமூகத்தில் உள்ள தீய குணங்களையும் அசாந்தியையும் களைவதற்கு இளம் ஆண்களும் பெண்களும் தான் தகுந்தவர்கள். ஆண்களும் பெண்களும் குணசீலர்களாக ஆகிவிட்டால் உலகிலுள்ள அனைத்து தீமைகளும் நிர்மூலமாகி விடும். இன்று உலகனைத்தும், தீய சிந்தனைகள், தீய சகவாசம், தீய செயல்கள் ஆகியவற்றில் சிக்கித் தவித்துக் கொண்டிருக்கிறது. இன்று மனிதனின் அனைத்து துக்கங்களுக்கும் மூலகாரணம் ஆசைகளே. இந்த ஆசைகளை பெருமளவு குறைத்துக் கொள்ள வேண்டும். ஒரு மாணவனாக நன்றாகப் படித்து, நல்ல மதிப்பெண்களைப் பெற்றுத் தேர்ச்சி பெறு. பின்னர் உத்தியோகம் செய். தாய் தந்தையரை கௌரவித்து, அவர்களுக்கு சேவை செய். தேசத்திற்குத் தகுந்த சேவை செய். இந்த சமுதாயத்தில் உன்னுடைய வாழ்க்கையை மேம்படுத்திக்கொள். சமுதாயத்தில் நல்ல பெயரை சம்பாதித்துக் கொள். எப்போதாவது நீ மெத்தப் படித்தவன் என்று கர்வமடையக் கூடும். அப்போது நீ கற்ற கல்வியினால் என்ன பயன்? உன் கல்வி அனைத்தையும் நீ சமுதாயத்திலிருந்தே பெற்றிருக்கிறாய். சமுதாயத்திலிருந்து பெற்ற கல்வி அனைத்தையும் சமுதாயத்திற்கே அர்ப்பணிக்க வேண்டும். எனவே, நீ கற்ற கல்வியை சமுதாயத்திற்கே பயன்படுத்து. வெறும் பட்டங்களைப் பெறுவது, நல்ல உத்தியோகத்தை அடைவது, பொருளை ஈட்டுவது - இவற்றில் அல்ல கல்வியின் சாரம். சேவையே கற்றறிந்தவனின் அடையாளச் சின்னமாகும். (தெய்வீக அருளுரை, நவம்பர்18, 1999)