ப்ரேமையின் திருவடிவங்களே! நல்லத்தனம் என்றால் நல்ல பழக்கம், நன்னடத்தை, நல்லொழுக்கம், நற்பண்பு என்பதாகும். சத்தியம், தர்மம், சாந்தி, ப்ரேமை, அஹிம்சை ஆகிய ஐந்துமே மனிதனின் ஐந்து உயிர் மூச்சுக்கள் (பஞ்ச பிராணங்கள்) ஆகும். மனித வாழ்க்கை என்பது ‘I'-இலிருந்து 'We’-இற்கான (‘நான்' என்பதிலிருந்து 'நாம்’ என்பதற்கான) பயணம் ஆகும். இந்தப் பயணம் மிகவும் சூட்சுமமானது மற்றும் வாழ்க்கையின் குறிக்கோளோ மிகவும் சமீபத்தில் உள்ளது. இருப்பினும், குறிக்கோளை அடைவதற்கு மனிதன் அநேக பிறவிகள் எடுக்கிறான். வெகு அருகில் உள்ள குறிக்கோளை அடைவதற்கு, பற்பல இன்னல்கள் மேற்கொண்டு, எதற்கு இத்துணை நீண்ட காலம் அவன் எடுத்துக் கொள்ள வேண்டும்? இன்றைய இளைஞர்கள் உலகில் நடைபெறும் அனைத்தையும் தெரிந்து கொள்வதற்கு எல்லா முயற்சியும் எடுத்துக் கொண்டிருக்கிறார்கள். ஆனால், மனித வாழ்க்கையின் அடிப்படை உண்மையை அறிய இவர்கள் ஒரு துளி முயற்சியும் எடுத்துக் கொன்டிருக்கவில்லை. வாழ்க்கையின் இலக்கை நோக்கி உங்களை அழைத்துச் செல்லாத அத்தகைய தகவல்களைப் பெறுவதால் எந்தப் பயனும் இல்லை. இன்றைய உலகில் ஆயிரக்கணக்கான மேதாவிகள், பண்டிதர்கள், மெத்தப் படித்தவர்கள், அதிபுத்திசாலிகள், அறிவுஜீவிகள், அறிஞர்கள் மற்றும் தலைசிறந்த கல்வியாளர்கள் உள்ளனர். ஆனால், தன்னைத்தான் ஒருவர் உணரவில்லையென்றால், அனைத்து உலக அறிவும் திறன்களும் முற்றிலும் வீணே. எனவே, மனிதனின் முழுமுதற் கடமை - உண்மையில் அவன் யார் என்பதைத் தெரிந்து கொள்ள வேண்டியதே ஆகும். (தெய்வீக அருளுரை, நவம்பர்18, 1999)