ஸ்ராவண மாதம் இருள் நிறைந்த கிருஷ்ண பக்ஷத்தில் கிருஷ்ணர் அவதரித்தார். இருளில்தான் ஒளிக்கு மதிப்பே தவிர, ஒளியில் ஒளிக்கு மதிப்பில்லை. எனவே உலகம் முழுவதும் அசாந்தியால் நிறைந்திருந்த போது, அந்த அசாந்தியிலேயே ப்ரசாந்தியாக அவதரித்தார். அன்றைய தினம் அஷ்டமி திதி. அதை கஷ்ட நஷ்டங்கள் நிறைந்த தினமென்று எல்லோரும் கருதுகின்றனர். எப்போது கஷ்ட நஷ்டங்கள் ஏற்படுகின்றன? தர்மங்கள் நசிந்துபோகும் போதுதான். கஷ்டநஷ்டங்களைத் தீர்த்து வைத்து, இருளை விலக்கி, அக்ஞானத்தை தகர்த்தெறிந்து, திவ்ய ஞானத்தை போதிப்பதற்காகவே ஸ்ராவணத்தின் மூலமாக உலகில் அவதரித்தார். அதனாலேதான் முதன்முதலில் ஸ்ரவணம் - ஸ்ரவணத்தின் மூலமாக அர்ஜுனனுக்கு கீதையை ஸ்ரவணம் செய்ய வைத்தார். அங்கும், "உன்னை வெறும் கருவியாக மட்டும் கொண்டு இவ்வுலகிற்குப் புனிதமான ஒன்றை வழங்குகிறேன்" என்றார். ஆகவே தெய்வத்தின் எல்லா போதனைகளும் பிரச்சாரங்களும் தர்மத்திற்கும் ப்ரேமைக்கும் சம்பந்தப்பட்டவையே. எனவே இதயத்தில் கொலுவீற்றிருக்கும் அத்தகைய கிருஷ்ணர் தங்களை விட்டுச் செல்லக் கூடாது என கோபிகைகள் பிரார்த்தனை செய்தனர். (தெய்வீக அருளுரை, ஆகஸ்ட்14, 1990)