ராமர், லக்ஷ்மணன், பரதன், சத்ருக்னன் ஆகியோர் ஒருவர் மீது ஒருவர் அன்பு மிக்கவர்களாக இருந்தனர். அவர்கள் மிகுந்த ஒற்றுமையுடன் அயோத்தியை ஆட்சி செய்தனர். ராமர் ஒருவரே நாடு முழுவதையும் நிர்வகிக்கவில்லை; அவருடைய சகோதரர்கள் அனைவரும் நாட்டு விவகாரங்களை நிர்வகிப்பதில் அவருக்கு உதவினார்கள். ராமாயணம் நமக்கு ஒழுக்கம் மற்றும் நெறிமுறைகள் பற்றிய பல பாடங்களைக் கற்றுத் தருகிறது. இந்த மாபெரும் காவியத்தின் அனைத்து கதாபாத்திரங்களும் மனிதகுலம் பின்பற்றுவதற்கான சிறந்த கொள்கைகளை வகுத்துக் கொடுத்துள்ளன. ராம நாமம் சர்க்கரையை விட இனிமையானதும், தயிரை விட சுவையானதும், தேனை விட மதுரமானதும் ஆகும். ராம நாமத்தை விடச் சிறந்தது வேறேதாவது உண்டா? இந்த உண்மையை நாம் புரிந்துகொண்டு, அந்த நாமத்தை அனுதினமும் ஸ்மரிக்க வேண்டும். ராமாயணம், மகாபாரதம் போன்ற சிறந்த இதிகாசங்கள் பல ஒழுக்க நெறிமுறைகளை நமக்கு போதிக்கின்றன. இவற்றில் சத்தியமே தலைசிறந்ததாகும். ‘சத்யன்னாஸ்தி பரோ தர்மஹ’ - அதாவது சத்தியத்தைக் கடைப்பிடிப்பதை விடச் சிறந்த தர்மம் வேறு எதுவும் இல்லை. சத்தியத்திலிருந்து தர்மம் பிறக்கிறது, தர்மத்திலிருந்து சாந்தி வெளிப்படுகிறது, சாந்தியிலிருந்து ப்ரேமை வெளிப்படுகிறது. ப்ரேமை இருக்கும் இடத்தில் வெறுப்பு இருக்க முடியாது. ப்ரேமை உடையவன் அஹிம்சையைக் கடைப்பிடிப்பான். சத்யம், தர்மம், சாந்தி, ப்ரேமை, அஹிம்சை ஆகியவையே ஐந்து பிரதானமான மனித விழுமியங்கள். இந்த மனித விழுமியங்களைக் கடைப்பிடிப்பவனே மனிதன் என்று அழைக்கத் தகுதியானவன்! (தெய்வீக அருளுரை, ஏப்ரல்03, 2009)