மாணவச் செல்வங்களே! உங்கள் இதயத்திலிருந்து வெளிப்படும் புனித உணர்வுகள் ஏற்றுமதி செய்யப்பட வேண்டும், வெளியில் உள்ள நல்லவை அனைத்தையும் நீங்கள் இறக்குமதி செய்ய வேண்டும். இதைச் செய்வதற்கு உங்களுக்கு பாஸ்போர்ட்டோ விசாவோ எதுவும் தேவையில்லை! எல்லாம் உங்களுக்குள் இருக்கிறது என்ற சத்தியத்தை நீங்கள் அறிந்து கொள்ள வேண்டும். நீங்கள் யாருக்காகவும், ஏன் இறைவனுக்காகவும் கூட ஏங்க வேண்டிய அவசியம் இல்லை, ஏனென்றால் நீங்கள் அனைவரும் தெய்வத்தின் பொறிகளே. உங்களிடம் தெய்வ குணங்களும் தெய்வ சக்திகளும் உள்ளன. உங்களுக்குள் தெய்வ சக்தி இல்லாவிட்டால், உங்களால் பாடங்களை நன்கு படித்து, நல்ல மதிப்பெண்களைப் பெற முடியாது. எனவே, எல்லாமே உங்களுக்குள்ளே தான் உள்ளது. நீங்களே சாந்தி, ப்ரேமை, ஆனந்தம் ஆகியவற்றின் திருவடிவம்; நீங்கள் இறைவனின் திருவடிவமே. இந்த சத்தியத்தைப் பூரணமாக நம்புங்கள். நீங்கள் இறைவன் மீது முழு நம்பிக்கையுடன் உங்கள் வாழ்க்கையை நடத்தினால், நீங்கள் ஒருபோதும் கஷ்டங்களுக்கு ஆளாகமாட்டீர்கள். “Life is a Challenge, Meet it; Life is Love, Enjoy it; Life is Energy, Skill it and do not kill it.” - வாழ்க்கை ஒரு சவால், அதை சந்தித்திடுங்கள்; வாழ்க்கை என்பது ப்ரேமை, அதை அனுபவியுங்கள்; வாழ்க்கை என்பது ஆற்றல், அதைத் திறம்பட பயன்படுத்துங்கள், அதை அழித்துவிடாதீர்கள்." நீங்கள் ஆற்றலைத் திறம்படப் பயன்படுத்தினால், அதாவது energy-ஐ skill செய்தால், நீங்கள் எதைச் செய்தாலும் சரியான சமநிலை – balance இருக்கும். நீங்கள் இந்த balance-ஐ சமநிலையைப் பெற்றவுடன், insight - உள்ளுணர்வைப் பெறுவீர்கள்! (தெய்வீக அருளுரை, செப்டம்பர்11, 1998)