இவ்வுலகில் நீங்கள் பன்முகத்தன்மையைக் கண்டாலும் இவ்வுலகம் முழுவதும் ஒன்றுதான். ஏகத்துவம் இந்தப் பன்மை உலகின் அடிப்படைத் தத்துவமாக விளங்குகிறது. 1, 2, 3, 4, 5, 6, 7, 8, 9 என்ற அனைத்து எண்களிலும் மிக முக்கியமான எண் 1. மற்ற எண்கள் அனைத்தும் 1 என்ற எண்ணின் மாற்றங்களே. 1+1 கூட்டினால் 2. ஒன்பதில் ஒன்றைக் கழித்தால் 8 ஆகிறது. இவ்வாறு 1 என்ற எண் அனைத்து எண்களுக்கும் அடிப்படையாக அமைகிறது. இதுவே பன்முகத்தன்மையில் இருக்கும் ஏகத்துவம், இந்த ஏகத்துவமே சத்யம். "ஓம் இத்யேகாக்ஷரம் பிரம்மா" - ‘ஓம்’ எனும் அக்ஷரமே பிரம்மம் என்று வேதங்கள் உரைக்கின்றன. ‘ஓம்’-ல் இருந்து தெய்வம் தனியாக இல்லை. இந்த ஏகத்துவத்திலிருந்து தான் உலகம் தோன்றியது. ஆனால் நீங்கள் இந்த சத்தியத்தைப் புரிந்து கொள்ளாமல், உங்கள் விருப்பங்களுடனும் லட்சியங்களுடனும் வெவ்வேறு பாதைகளில் செல்கிறீர்கள். உண்மையில், உலகத்திற்கும் தெய்வத்திற்கும் எந்த வித்தியாசமும் இல்லை. வெவ்வேறு அங்கங்கள் சேர்ந்து ஒரு முழுமையான மனித உடல் உருவாவது போலவே, மனிதர்களும் சமுதாயத்தின் அங்கங்களைப் போன்றவர்கள். சமுதாயம் மனிதகுலத்தின் ஓர் அங்கமாகவும், மனிதகுலம் இயற்கையின் ஓர் அங்கமாகவும், இயற்கை தெய்வத்தின் ஓர் அங்கமாகவும் விளங்குகின்றன. எனவே, மனிதகுலம், சமுதாயம், இயற்கை ஆகிய அனைத்தும் தெய்வத்தின் அங்கங்களே. (தெய்வீக அருளுரை, செப்டம்பர்11, 1998)