தாய்நாட்டின் மீதான அன்பு நல்லது தான். ஆனால் அது மற்றவர்களின் தாய்நாட்டின் மீது வெறுப்பை ஏற்படுத்தக் கூடாது. உங்கள் பிரார்த்தனை, " ஸமஸ்த லோகா சுகினோ பவந்து - உலகம் முழுவதும் மகிழ்ச்சியாகவும் அமைதியாகவும் இருக்கட்டும்" என்று இருக்க வேண்டும். ஏனெனில், உலகில் சாந்தியும் செழுமையும் இருந்தால்தான் இந்தியா சாந்தி சந்தோஷங்களுடன் இருக்க முடியும். இந்தியா சாந்தி சந்தோஷங்களுடன் இருந்தால்தான் ஆந்திராவும் சாந்தி சந்தோஷங்களுடன் இருக்கும். ஆந்திராவில் சாந்தியும் சந்தோஷமும் இருந்தால்தான் அனந்தப்பூர் மாவட்டத்தில் சாந்தியும் சந்தோஷமும் இருக்கும். அனந்தப்பூர் மாவட்டத்தில் சாந்தியும் சந்தோஷமும் இருக்கும்போது புட்டபர்த்தியும் சாந்தி சந்தோஷங்களுடன் இருக்க முடியும். புட்டபர்த்தியில் சாந்தி சந்தோஷங்கள் இருந்தால்தான், நீங்கள் சாந்தி சந்தோஷத்துடன் இருக்க முடியும்! உங்களுடைய சாந்தியும் சந்தோஷமும் உலகின் சாந்தி சந்தோஷத்தின் மீதே சார்ந்துள்ளது. நீங்கள் எந்த வெறுப்பு அல்லது வன்முறைச் செயலைச் செய்தாலும் அது உலகத்தின் சூழலை மாசுபடுத்தும். நீங்கள் எந்த உயிரினத்தைப் போற்றினாலும், அந்தப் போற்றுதல் இறைவனையே அடைகிறது; ஏனென்றால் இறைவன் ஒவ்வொரு உயிரினத்திலும் இருக்கின்றான். எந்த உயிரினத்தைத் தூற்றினாலும், அந்தத் தூற்றுதலும் இறைவனையே அடைகிறது. எனவே, விசாலமான ப்ரேமையை வளர்த்துக்கொண்டு எல்லோரிடமும் எல்லா இடத்திலும் வெளிப்படுத்துங்கள். (தெய்வீக அருளுரை, ஆகஸ்ட்15, 1985)