இறைவன் ப்ரேமஸ்வரூபன். அப்படிப்பட்ட ப்ரேமஸ்வரூபனை அடைவதற்கு, அவனைப் புரிந்துகொள்வதற்கு ப்ரேம மார்க்கமே நமக்கான பாதையாகும். சந்திரன் வானில் தோன்றும்போது, நீங்கள் அதை நேராகவே பார்க்க முடியும். அதைப் பார்ப்பதற்கு உங்களுக்கு ஒரு டார்ச்சோ, பெட்ரோமாக்ஸ் விளக்கோ அல்லது வேறு ஏதாவதொரு விளக்கோ தேவையில்லை. அதற்குக் காரணம், நாம் சந்திரனை அதன் ஒளியைக் கொண்டே காண முடியும். அதைப் போலவே, நீங்கள், ப்ரேமஸ்வரூபனான இறைவனை அடைய விரும்பினாலோ அல்லது அவனைத் தெரிந்துகொள்ள விரும்பினாலோ, அவனுடைய ப்ரேமையின் மூலமாகத்தான் அது சுலபமாக சாத்தியமாகும். அப்படிப்பட்ட ப்ரேமஸ்வரூபனான இறைவன் ஒரு குறிப்பிட்ட இடத்தில் மட்டும்தான் உள்ளானா? இல்லை... இல்லை… அவன் எங்கும் நீக்கமற நிறைந்தவன், இவ்வுலகின் ஒவ்வொரு இடத்திலும் ஒவ்வொரு ஜீவராசியிடமும் உறைபவன். எனவே, இறைவன் அனைவருள்ளும் உறைவதால், இளைஞர்கள் அனைவரையும் நேசிப்பதோடு, அனைத்து ஜீவராசிகளையும் நேசிப்பது இறைவனை நேசிப்பதற்கு ஒப்பாகும் எனக் கருத வேண்டும். இறைவன் தன்னலமற்றவன் ஆதலால், நாமும் நமது ப்ரேமையை தன்னலமற்ற ப்ரேமையாக வளர்த்துக்கொள்வது அத்தியாவசியமாகும். (தெய்வீக அருளுரை,ஜூன்03, 1976)

கொடுப்பதை மட்டுமே மேற்கொண்டு, எதையும் பதிலுக்கு நாடாத, பதிலுக்கு நன்றியைக் கூட எதிர்பார்க்காத, தன்னிச்சையாகவே தியாகமாகவும் சேவையாகவும் மாறும் ஒரு பேரன்பின் திருவுருவமாக மாறும்போதுதான் மனிதன் கடவுளை அனுபவிக்க முடியும். - பாபா