நீங்கள் முற்றிலும் பக்தியில் மூழ்கி, உங்கள் பக்தி ஆழமாக வேரூன்றியிருக்கும்போது, புரிந்துகொள்ளுதல் எளிதாகி விடுகிறது. அமைதியான பக்தி (சாந்த-பக்தி) எனப்படும் பக்தியின் வடிவமே நித்திய, நிரந்தரமான இறை-பேரின்பத்தை அடைவதற்கான மிகச்சிறந்த பாதையாகும். ஆதி அந்தம் இல்லாத சாந்தியின் தூதுவராக ஆகுங்கள். மனிதகுலத்திற்கே சாந்தியை ஒளிரச் செய்யுமாறு திகழுங்கள். எப்போதும் மனநிறைவோடும், எப்போதும் குதூகலத்தோடும், எப்போதும் மகிழ்ச்சியோடும் இருக்குமாறான நிறை செப்பமான வாழ்க்கையை வாழுங்கள். பண்டைய ஆன்மிக சாதகர்களும் பக்தர்களும், சாந்தியின் மூலமே தங்களுடைய இலக்கை அடைந்தார்கள். ராமதாஸ், துக்காராம், கபீர், தியாகராஜர், நந்தனார் போன்றவர்களுக்கு அவர்களின் அவமானம், சித்திரவதை மற்றும் கஷ்டங்களை சகித்துக் கொள்ளத் தேவையான மன உறுதியை சாந்தியே கொடுத்தது. இவர்களை முன்னுதாரணமாகக் கொண்டு தனது முயற்சிகளை மேற்கொள்ளும் ஆன்மிக சாதகனுக்கு, கோபம், விரக்தி, சந்தேகம் ஆகியவை இருக்காது. இப்படிப்பட்ட பக்திமான்களின் போராட்டங்களும் வெற்றிகளும் ஆழ்ந்து சிந்திக்கப்பட்டால், அவை, ஓர் ஆன்மிக சாதகனுக்கு, பகவானின் வல்லமைகளையும் ஆற்றல்களையும் ஸ்மரிப்பதை விட மேலும் பயன் அளிப்பவையாகும். (பிரசாந்தி வாஹினி,அத்தியாயம்-5)