இன்று உலகம் முழுவதும் ஒரு புதிய சமுதாயத்தை நிர்மாணிப்பதற்கான திட்டங்களைப் பற்றி நீங்கள் கேள்விப்படுகிறீர்கள். அனைவருக்கும் அன்றாடத் தேவைகளையும், பல்வேறு வசதிகளையும் வழங்குதல், செல்வத்தை சமமாக பங்கீடு செய்தல் ஆகியவை இந்த இயக்கத்தின் அறிவிக்கப்பட்ட நோக்கங்களாகும். இது விரும்பத்தக்கதாக இருக்கலாம். ஆனால் இது நடைமுறைக்கு சாத்தியமா? சொத்துக்கள், உடைமைகள், வசதிகள், சௌகரியங்கள் ஆகியவற்றை சமமாக விநியோகிக்க முடியும். ஆனால் எல்லா மனிதர்களின் ஆசைகளையும் சமமாக கட்டுப்படுத்த முடியுமா? ஆசைகள் சமமாக வரையறுக்கப்படவில்லை என்றால் நிராசையாகத்தான் முடியும். சமுதாயத்தின் நலன் முக்கியமான கோட்பாடு தான். ஆனால் உலகில் உள்ள எல்லாவற்றின் முதன்மையான ஆதாரம் இறைவனே என்று உணர்வதென்பது அதை விடக் குறைந்ததல்ல. இந்திய முனிவர்களின் கூற்றுப்படி, ஒருவர் உட்கொள்ளும் உணவின் மூலாதாரம், அனைத்து உயிரினங்களையும் போஷிக்கும் சக்தி மற்றும் படைப்பில் உள்ள அனைத்து பொருட்களின் ஆதாரம் இறைவனே. இப்படிப்பட்ட ஆதாரமான இறைவனை மறந்துவிட்டதால்தான் இன்று உலகில் பஞ்சம், மோதல்கள், யுத்தங்கள், கலவரங்கள் ஆகியவை தலைவிரித்தாடுகின்றன. (தெய்வீக அருளுரை,ஜூலை13, 1984)