இறைவனுடைய திருநாமமே சம்சார சாகரத்தைக் கடக்க உதவும் தோணி என்பதை நம்புங்கள். இறைவனுடைய ரூபத்தை மட்டுமே மனதில் கொண்டிருப்பதைக் காட்டிலும், அவனுடைய திருநாமம் அதிகம் பலனளிக்க வல்லதாகும். திரௌபதி கிருஷ்ணருக்கு ரதத்தை அனுப்பி தன்னைக் காப்பாற்ற வருமாறு அழைக்கவில்லை; அவள் தாளாத வேதனையில் அவரது திருநாமத்தைக் உரக்கச் சொல்லி அழைத்தவுடன், கிருஷ்ணர் விரைந்து வந்து அவளை மானபங்கத்திலிருந்து காப்பாற்றினார். திரேதாயுகத்தில், ராமாயணத்தின் போது, நளனும் அவனது வானரர்களும் கடலின் மேல் இலங்கைக்கு பாலம் அமைத்துக் கொண்டிருந்தனர்; ஒவ்வொரு பாறையின் மீதும் ஸ்ரீராமரின் திருநாமத்தை எழுதி கடலில் போட்டனர்; அப்பாறைகள் நீரில் மிதந்தாலும், அவை காற்றாலும் அலைகளாலும் அங்குமிங்கும் சிதறடிக்கப்படுவதைக் கண்டனர். பாறைகள் ஒன்றுசேராமல் போனதால் வானரசேனை கடந்து செல்வதற்கேற்ற பாலத்தை உருவாக்க இயலவில்லை. அறிவாளி ஒருவர், ஒரு பாறையில் ‘ரா’ என்றும், மற்றொன்றில் ‘மா’ என்றும் எழுதுமாறு கூறிய ஆலோசனைப்படி செய்தவுடன், இரண்டு பாறைகளும் உறுதியாக ஒன்றோடு ஒன்று ஒட்டிக்கொண்டு விட்டதைக் கண்டனர். உங்களுக்கும் இறைவனுடைய திருநாமம் ஒரு தோணி போலப் பயன்படும்; அது உங்களை இறைவனுடன் இணைந்திருக்கச் செய்து, அவனுடைய அருளையும் பெற்றுத் தரும்! (தெய்வீக அருளுரை, அக்டோபர் 24, 1965)