உங்களது உண்மை ஸ்வரூபமான இறைவனோடு பிரிக்கமுடியாத பற்றுணர்வை நீங்கள் வளர்த்துக் கொள்ள வேண்டும். அவன் மலரானால், நீங்கள் அதன் தேனை அருந்தும் தேனீயாக இருங்கள்; அவன் மரமானால், நீங்கள் அதைச் சுற்றிப் படரும் கொடியாக இருங்கள்; அவன் மலையானால், நீங்கள் அதன் மீதிருந்து விழும் அருவியாக இருங்கள்; அவன் ஆகாயமானால், நீங்கள் அதில் மின்னும் சிறு நட்சத்திரமாக இருங்கள். அனைத்திற்கும் மேலாக, நீங்களும் அவனும் உன்னத ப்ரேமையால் கட்டுண்டவர்கள் என்ற உண்மையை உணர்ந்தவர்களாக இருங்கள். இதை ஸ்தூல புத்தியால் அல்லாமல், சூட்சும புத்தி கொண்டு நுட்பமாக உணர்ந்தீர்களானால், உங்களது பயணம் துரிதமாகும், இலக்கையும் அடைய முடியும். இலக்கை நோக்கி ஸ்தூல புத்தி உங்களை நடக்க வைக்கிறது என்றால் சூட்சும புத்தி உங்களை இலக்கிற்குப் பறந்து இட்டுச் செல்லும். ஸ்தூல புத்தி உடல் உணர்வோடு மிக அதிகமாகக் கட்டுண்டு இருக்கிறது; ஆனால் சூட்சும புத்தியோ உடலுக்கு அப்பாற்பட்டு இருக்கிறது, சுமையையும் குறைக்கிறது. (தெய்வீக அருளுரை,ஜனவரி30, 1965)