புலன்களுக்கு அடிபணிவதால் கிடைக்கும் இன்பங்கள் நிலையற்றவை, துன்பத்தின் சுவடுகளை விட்டுச் செல்லக்கூடியவை என்பதை மனிதன் உணர வேண்டும். புனிதமான பணிகளுக்கும் மனித விழுமியங்களைக் கடைப்பிடிப்பதற்கும் புலன்கள் பயன்படுத்தப்பட வேண்டுமென்பதை அவன் உணர வேண்டும். அப்போதுதான் மனித வாழ்வின் உண்மையான அர்த்தத்தைப் புரிந்துகொள்ள முடியும். இலட்சிய வாழ்க்கை வாழ்வதற்கே புலன்கள் இறைவனால் அருளப்பட்டுள்ளன. நல்லதையே பாருங்கள், நல்லதையே எண்ணுங்கள், இனிமையாகப் பேசுங்கள், நல்லவற்றையே கேளுங்கள். நல்லவராக இருங்கள், நல்லதையே செய்யுங்கள். மௌனத்தால் எண்ணற்ற நன்மைகளைப் பெற முடியும் என்பதை உணர்ந்த இந்திய நாட்டின் பண்டைய ரிஷிகள் மௌனத்தை ஒரு ஆன்மிக சாதனையாகக் கடைப்பிடித்தனர். பத்து நாட்கள் தொடர்ந்து உரையாற்றிய பிறகு, தான் மனப்பாடமாகக் கற்ற அனைத்து ஸ்லோகங்களையும் மறந்து, தன் நினைவாற்றலை இழந்து விட்டோம் என்ற விலைமதிப்பற்ற ஒரு பாடத்தை சுவாமி விவேகானந்தர் கற்றுக்கொண்டார். பின்னர் பதினைந்து நாட்கள் முழுமையாக மௌனத்தைக் கடைப்பிடித்ததன் மூலம் தன் நினைவாற்றலைத் திரும்பப் பெற்றார். இறைவனால் மனிதனுக்கு வழங்கப்பட்ட புலன்களைப் புனிதமாகப் பயன்படுத்துவதன் மூலம் இறையருளைப் பெற முடியும் என்பதை மக்கள் உணர வேண்டும். (தெய்வீக அருளுரை, அக்டோபர்06, 1997)