அன்னையரின் உயர்ந்த ஒழுக்கம், நன்னடத்தை ஆகியவையே அவர்களின் சந்ததியினரின் பெருமைக்கு வழிவகுக்கிறது. கோசலையின் நற்பண்புகளே இராமனின் உயர்வுக்குக் காரணமாயின. அதேபோல சீதை, லவனையும் குசனையும் சிறந்தவர்களாக வளர்த்தாள். இவ்வாறு, நல்லொழுக்கமுள்ள அன்னையர் இலட்சியக் குழந்தைகளுக்குப் பொறுப்பானவர்களாகத் திகழ்ந்தனர். ஈஸ்வரம்மாவிற்கு வாக்குறுதி அளித்த பிறகு நான் புட்டபர்த்தியைக் கைவிடவில்லை. உலகமே இங்கு வந்து குவியலாம், ஆனால் நான் புட்டபர்த்தியை விட்டு வெளியேற மாட்டேன். தாய்மையின் ஆற்றல் விவரிக்க முடியாதது. அன்னையரின் தார்மிக நடத்தைகளும், கடைப்பிடிக்கும் ஒழுக்க நெறிகளும்தான், அவர்களின் குழந்தைகளில் வெளிப்படுகின்றன. அன்னையர்கள் படிக்காதவர்களாக இருக்கலாம். அவர்களின் பெருமை, எழுத்தறிவையோ புத்தக அறிவையோ சார்ந்ததல்ல. படிப்பறிவில்லாத ஈஸ்வரம்மாவின் நற்பண்புகளே புட்டபர்த்திக்கு இந்த நற்பெயரையும் புகழையும் பெற்றுத் தந்துள்ளது. ஈஸ்வரம்மாவை மறந்துவிட்டு அவளுடைய மைந்தன் போற்றப்படுவது வருந்தத்தக்க விஷயமாகும். ஈஸ்வரம்மா இல்லாமல் இத்தகைய அற்புத சக்தி எப்படி இருக்க முடியும்? ஆகவே உங்கள் பெற்றோரை ஒருபோதும் புறக்கணிக்காதீர்கள். (தெய்வீக அருளுரை, நவம்பர்23, 2003)