நீங்கள் நிர்வாண நிலை அல்லது மோட்சத்தை அடைய முயற்சிக்க வேண்டும். நிர்வாண நிலை என்பது உங்கள் வாழ்க்கையின் இறுதித் தருணங்களில் பேரானந்தத்தை அனுபவிப்பதாகும். எதை நாட வேண்டும், எதை நிராகரிக்க வேண்டும் என்பதை மனிதன் உணரவில்லை. வாழ்க்கையில் மூன்று விஷயங்களைச் செய்ய வேண்டும். உங்களுக்குத் தீங்கு செய்தவர்களுக்கு நன்மை செய்யுங்கள். பிறர் செய்த தீமையையும், பிறருக்கு நீங்கள் செய்த நன்மையையும் மறந்துவிடுங்கள். மறக்க வேண்டியதை மறந்துவிட்டு, நினைவில் கொள்ள வேண்டியதை மட்டும் நினைவில் வையுங்கள். நீங்கள் எதை நினைவில் கொள்ள வேண்டும்? மற்றவர்கள் உங்களுக்கு செய்த நன்மைகளை! உங்களுக்குச் செய்த நன்மையை புனிதமானதாகக் கருதி, அவர்களுக்கு நன்றியுடன் இருக்க வேண்டும். உங்கள் செயல்கள் அனைத்தையும் தர்மநெறிப்படிச் செய்யுங்கள். இறைவனை நினைந்து செய்யும் செயல்கள் அனைத்தும் புனிதமடைகின்றன! தீயதைப் பார்க்காதீர்கள், நல்லதையே பாருங்கள்; தீயதைக் கேட்காதீர்கள், நல்லதையே கேளுங்கள்; தீயதைப் பேசாதீர்கள், நல்லதையே பேசுங்கள்; தீயதை நினைக்காதீர்கள், நல்லதையே நினையுங்கள்; தீயதைச் செய்யாதீர்கள்; நல்லதையே செய்யுங்கள். இதுவே இறைவனை அடைவதற்கான வழியாகும். இதுதான் புத்தருடைய போதனைகளின் சாராம்சம் ஆகும். (தெய்வீக அருளுரை,மே11, 1998)