ஆன்மிக முன்னேற்றமும் ஆனந்தமும் ஒழுக்கமான முயற்சியைப் பொறுத்தே இருக்கிறது. இது கடினமான, கஷ்டமான உழைப்பினால் மட்டுமே வருமே தவிர, சுகமான, சுலபமான வழிகளில் அல்ல. ஒழுக்கமான பழக்கவழக்கங்கள், ஒருமுகப்படுத்தப்பட்ட மனம், புலனின்பங்கள் மீது பற்றின்மை, ஆத்ம விசுவாசம் ஆகியவை ஒருவருக்கு இருந்தால் மட்டுமே வாழ்க்கை அர்த்தமுள்ளதாக இருக்கும். ஆற்றின் வெள்ள நீரைக் கட்டுப்படுத்தி, பாதிப்பில்லாமல் பயனுள்ள வகையில் கால்வாய்களின் வழியே பாய்ச்சக் கூடிய கரைகள் போன்று ஒழுக்கமும் மனக்குவிப்பும் விளங்குகின்றன. நீங்கள் ஆன்மிக சாதனை, ஆத்ம விசாரம் ஆகியவற்றில் ஈடுபட்டுள்ளதால், இவை இரண்டும் இந்தப் பெரும் பணியில் பேருதவியாக இருக்கும்! செல்லும் பாதையைப் பற்றி அறியாதவன் இலக்கை அடைய முடியாது; அடைய வேண்டிய இலக்கை அறியாதவனோ அதற்கேற்ற பாதையை தெரிந்தெடுத்துச் செல்ல முடியாது. எனவே பயணத்தைத் தொடங்குவதற்கு முன், செல்லும் பாதையைப் பற்றியும் அடைய வேண்டிய இலக்கைப் பற்றியும் நன்கு அறிந்திருக்க வேண்டும். (தெய்வீக அருளுரை, நவம்பர்20, 1970)