ப்ரேமையின் திருவடிவங்களே! உங்களுடைய நாம ரூபங்கள் வெவ்வேறாக இருக்கலாம், ஆனால் உங்கள் அனைவருள்ளும் இருக்கும் ப்ரேம தத்துவம் ஒன்றே. அதனால் தான் நான் உங்களை, “ப்ரேமையின் திருவடிவங்களே” என்று அழைக்கிறேன். ப்ரேமை ஒன்றே, அதைப் பிரித்துப் பார்க்கக்கூடாது. இறைவன் ஒருவனே என்று கருதி, அவனை இதயபூர்வமாக நேசியுங்கள். இறைவன்பால் கொள்ளும் இப்படிப்பட்ட ஒருமுனைப்பான ப்ரேமையே உண்மையான பக்தியாகும். ஜெயதேவர், கௌரங்கா, ஏக்நாத் போன்ற பக்தர்கள் அத்தகைய தெய்வீக ப்ரேமையை வளர்த்துக்கொண்டு தங்கள் வாழ்க்கையைப் புனிதமாக்கிக் கொண்டனர். அதுபோலவே, மீராபாயும் சக்குபாயும் இறைவன் மீது அசைக்க முடியாத ப்ரேமையும் பக்தியும் கொண்டிருந்தனர். அவர்கள் பல நாம ரூபங்களை வழிபடவில்லை. அவர்கள் ஒரே மார்க்கத்தையே பின்பற்றினார்கள். அவர்கள் தங்கள் இதயத்தில் ஒரே ஒரு நாமத்தையும் ரூபத்தையும் நிலைநிறுத்தி, தாங்கள் தேர்ந்தெடுத்த இறைவனை இடையறாது தியானித்து வந்தனர். இரட்டை மனம் கொண்டு, அவ்வப்போது தங்கள் மார்க்கத்தை மாற்றிக் கொண்டிருப்பவர்கள் தங்கள் வாழ்க்கையை நாசமாக்கிக் கொள்வது நிச்சயம். எனவே, இரட்டை மனம் கொண்டவர்களாக ஒருபோதும் இருக்காதீர்கள். ஏகாத்ம பாவத்துடன் இறைவனை அனுபவியுங்கள். உங்களுக்கு விருப்பமான ராமா, கிருஷ்ணா, ஈஸ்வரா போன்ற எந்தத் திருநாமத்தை வேண்டுமானாலும் தேர்ந்தெடுத்து, அந்த ரூபத்தை தியானம் செய்யுங்கள். நீங்கள் நிச்சயமாக வாழ்க்கையின் இலக்கை அடைவீர்கள். (தெய்வீக அருளுரை, ஏப்ரல்13, 2005)