ப்ரேமையின் திருவுருவங்களே! புத்தாண்டு, சத்ய தர்ம தத்துவங்களைப் புதிதாகக் கொண்டு வருவதில்லை. அவை மாறாதவை மற்றும் சாஸ்வதமானவை. அவை கடைப்பிடிக்கப்பட்டால் உலகம் முழுதும் நலம் பெறும். எனவே, நாம் இந்த இரண்டு தத்துவங்களையும் எப்போதும் நினைவில் கொள்ளவேண்டும். சத்யமும் தர்மமும் மனிதனுக்கு இரண்டு கண்கள் போன்றவை. உண்மையில், அவை அவனது உயிராகும். அவன் எந்தப் பணியையும் மேற்கொள்ளலாம்; அவன் எந்த வேலையையும் அல்லது வியாபாரத்தையும் செய்யலாம்; ஆனால், அவன் தனது அனைத்து முயற்சிகளுக்கும் சத்யம் மற்றும் தர்மத்தை அடிப்படையாகக் கொண்டிருக்க வேண்டும். மனிதன் ஒரு புதிய பாதையில் செல்ல வேண்டும். வருடங்கள் உருண்டோடி விட்டன, ஆனால் மனிதன் தனது பழைய இழிவான உணர்வுகளை இன்னும் விடவில்லை. அவன் தனது இதயத்தை பரிசுத்தமாக்கிக் கொள்ள வேண்டும். இதயம் நல்மாற்றம் அடைந்தால் மட்டுமே மனிதத்தன்மை மலரும். வெறும் புத்தாடைகளை அணிந்து கொண்டால் மட்டும் போதாது; மனிதன் தனது குணநலனையும் நடத்தையையும் மாற்றிக் கொள்ள வேண்டும். அவனது நடத்தை, சத்யம் மற்றும் தர்மத்தை அடிப்படையாகக் கொண்டு இருக்க வேண்டும். (தெய்வீக அருளுரை, ஏப்ரல் 14, 2003)