இன்றைய உலகிற்கு ராம சரிதம் மிகவும் அத்தியாவசியமாக உள்ளது. எதற்காக என்றால், இன்று பிள்ளைகள் தங்கள் தந்தையின் கட்டளைகளுக்குப் பணிவதில்லை. தந்தையர் குழந்தைகளுக்கு சரியான முன்மாதிரியாக இருப்பதில்லை. சீடர்கள் குருமார்களை சரியாக மதிப்பதில்லை. குருமார்கள் சீடர்களை அன்புடன் நடத்துவதில்லை. நண்பர்களிடையே கூட பகைமை பெருகி வருகிறது! உறவுகள் தங்களுக்குள் முறிந்து கிடக்கின்றன. நிர்வாகம், விவசாயம், வணிகம், அரசியல் என வாழ்க்கையின் அனைத்து துறைகளிலும் பூசல்கள் நிறைந்துள்ளன. சமூகம், அரசியல், ஏன் ஆன்மிகத் துறைகளிலும் கூட பிரிவினைகளும் மோதல்களும் நிலவுகின்றன! இந்த நிலைமைக்கான காரணங்களை நீங்கள் விசாரித்தால், சுயநலமே அனைத்திற்கும் அடிப்படையாக இருப்பதைக் காணலாம். அடிப்படைக் கூறுகள் மனித இனம் முழுவதிற்கும் பொதுவானவை. உலகமே ஒரு குடும்பம். எல்லா மனிதர்களும் சகோதரர்களே. இராமர் இந்த அடிப்படை உண்மையை உலகுக்குப் போதித்தார். அவர், அன்றாட வாழ்வின் தர்மங்கள், சமூக தர்மங்கள், குடும்ப தர்மங்கள் ஆகியவற்றை உலகுக்குக் கற்பித்தார். இந்த மூன்றுவித தர்மங்களே திரிவேணி சங்கமமாக விளங்கும் இராமாயணம் வழங்கும் செய்தியாகும். இந்த திரிவேணி சங்கமத்தில் நீராடுபவர் பாவங்கள் நீங்கி சாபவிமோசனம் பெறுகிறார். இராமாயணத்தை ஒவ்வொருவரும் படிக்க வேண்டும், பாராயணம் செய்ய வேண்டும், அதன்படி வாழ வேண்டும்! (தெய்வீக அருளுரை, ஏப்ரல்,16, 1997)