பெரும்பாலான மக்களின் கருத்துப்படி, வயிறார உணவு, ஆழ்ந்த உறக்கம், குழந்தைகளின் சிரிப்பொலி நிறைந்த வீடு ஆகியவையே மகிழ்ச்சியின் மிக உயர்ந்த நிலைகளாகக் கருதப்படுகிறது. ஆனால் இது பிறப்புக்கும் இறப்புக்கும் இடைப்பட்ட இடைவெளியை மட்டுமே குறிக்கிறது. அதற்கு முன்பும் பின்பும் உள்ள நிலை என்ன? உடல் என்பது உங்களிடமிருந்து வேறுபட்ட ஒன்றாகும். சில ஆண்டுகளே நீங்கள் அதை சொந்தம் கொண்டாடுகிறீர்கள்; அது உங்களுடைய விருப்பப்படி செயல்படுவதற்கு அதற்கு உணவளிக்கிறீர்கள், போஷிக்கிறீர்கள், அதனுடன் போராடுகிறீர்கள். உடலில் உள்ள 'நீ' அல்லது 'நான்' என்பது இரண்டற்ற ஒன்றான ‘ஆத்மா’ ஆகும். தான் உடலே என அடையாளம் காண்பது குறையும்போது ஆத்ம ஜோதி வெளிப்படும். உடல் பற்று என்பது அதன் தேவைகளையும் பேராசையையும் பூர்த்தி செய்யும் பொருட்களைக் குவித்து வைத்துக் கொள்வதே ஆகும். குவிப்பது என்பது சுரண்டுவதை ஊக்குவிக்கிறது; அதனால் அருளை வெல்ல முடியாது. அதற்கொரு அளவே இல்லை; பருகப் பருக அதன் தாகம் தணியாமல் அதிகரிக்கிறது. அது எப்போதும் மேன்மேலும் வேண்டுமெனக் கேட்டுக்கொண்டே இருக்கும். (தெய்வீக அருளுரை, ஏப்ரல் 21, 1983)