பகவத் கீதை எனும் மருந்தினால் உங்களைப் பீடித்திருக்கும் மோகம் எனும் நோயை குணப்படுத்த முடியும்; இந்நோய் உங்களது மனிதப் பண்புகளின் உணர்வுகளைத் திரித்து, உங்கள் பார்வையை தெளிவற்றதாக்கி, உங்களது கண்ணோட்டத்தைச் சிதைத்து விடுகிறது. இந்த மருந்தினால் பயனடைவதற்கு, அர்ஜுனனுக்கு இருந்த 'விஷாதம்' எனும் துக்கம், அவனுக்கே உரித்த 'பிரபத்தி' எனும் அர்ப்பணம், அவன் கொண்டிருந்த 'ஏகாக்கிரதை' எனும் ஒருமுனைப்பு ஆகியவை உங்களிடம் இருக்க வேண்டும். தனது உற்றார் உறவினர், குருமார்கள் மற்றும் பெரியோர்களை வதம் செய்துவிட்டு, அரசனாக முடிசூட்டிக்கொள்வதை விட, தான் பிச்சையெடுத்து வாழ்வதற்குக் கூட அவன் தயாராக இருந்தான். அப்படிப்பட்ட ஆழ்ந்த ஏக்கத்தைக் கொண்டிருங்கள்; பின்னர், பகவத் கீதை உங்களது மோகத்தை அழித்து, உங்களுக்கு மோக்ஷத்தை அளிக்க முடியும். ஆன்மிக முன்னேற்றத்தில் நீங்கள் எந்த நிலையில் இருக்கிறீர்கள் என்பதையும், அதன் பள்ளியில் எந்த வகுப்பிற்கு நீங்கள் தகுதி படைத்தவர்கள் என்பதையும் கண்டறியுங்கள். பின்னர் அந்த வகுப்பிலிருந்து அடுத்த உயர் வகுப்பிற்குச் செல்ல உறுதி பூணுங்கள். உங்களால் இயன்ற அளவிற்கு நன்கு முயன்றிடுங்கள்; நீங்கள் தவறாமல் இறையருளை வெல்ல முடியும். முறையிடவோ, மனம் தளரவோ வேண்டாம். குறிக்கோளை நோக்கி விலகாமல், அந்தப் பாதையில் ஒரு நேரத்தில் ஒரு அடி எடுத்து வைப்பதே போதுமானதாகும். (தெய்வீக அருளுரை, பிப்ரவரி 19, 1966)